Ramazani është muaji i nëntë i kalendarit islam. Ai është muaji i agjerimit, që do të thotë shmangia e ushqimit dhe lëngjeve, marrëdhënieve seksuale, fjalëve dhe sjelljeve të këqija dhe gjërave të tjera të ndaluara në islam. Agjërimi është një nga pese shtyllat e islamit dhe zgjat nga agimi deri në perëndimin e diellit. Në fund të ramazanit vjen fiter bajrami, apo festa e prishjes së agjërimit.

Rregullat e agjërimit

• Koha e agjërimit është nga agimi deri në perëndimin e dielit, sipas orarit ditor.
• Agjërimi prishet nëse ha ose pi me qëllim, vjell me qëllim, kryen marrëdhënie intime, përtyp camcakëz ose pi duhan.
• Gruas me perioda apo lehones i ndalohet të agjërojë, por këto ditë duht t’i plotësojë më vonë, pas ramazanit.
• Gratë shtatzana, gruaja me fëmijë në gji, i sëmuri dhe udhëtari lejohen të mos agjërojnë, por duhet t’i plotësojnë më vonë ditët e lëna.
• Të moshuarit dhe të sëmurët kronikë, që nuk mund të agjërojnë dhe as mund t’i plotësojnë ditët që nuk kanë agjëruar, për cdo ditë të ramazanit duhet të ushqejnë një person në nevojë.

 

 Loading ...