Fëmijë mbipeshë midis moshës 4 dhe 6 vjeçare kanë dyfish më shumë gjasa të vuajnë nga hipertensioni që në moshën 6 vjeçare dhe rreziqe më të mëdha të sëmundjeve kardiovaskulare. Ky është rezultati i një studimi sipas disa hulumtuesve në Madrid.

Studimi mbi fëmijët spanjollë

Autorët e anketës ekzaminuan marrëdhëniet midis mbipeshës midis moshës 4 dhe 6 vjeçare dhe presionit të lartë të gjakut në 1.796 fëmijë spanjollë. Pjesëmarrësit, të cilët ishin 4 vjeç në fillim të studimit, u ndoqën për dy vjet. Studiuesit matën presionin e gjakut, indeksin e masës trupore dhe madhësinë e belit në moshën 4 dhe 6 vjeç. Në fund të periudhës së vëzhgimit doli se në krahasim me fëmijët që kishin mbajtur një peshë normale midis këtyre dy viteve, ata që kishin një peshë të tepërt që nga fillimi, ose që ishin shëndoshur me kalimin e kohës, kishin rrezik më të lartë të vuanin nga hipertensioni.

Rrezik i lartë për fëmijët mbipeshë

Shanset për të pasur presion të lartë të gjakut ishin, në të vërtetë, 2.49 më të larta në mesin e fëmijëve që kishin shtuar peshë gjatë studimit dhe 2.54 më të larta në mesin e atyre që ishin mbipeshë që në moshën 4 vjeçare. Rezultatet u gjetën te të gjithë fëmijët, pavarësisht nga gjinia apo statusi socio-ekonomik.

Lajmi i mirë është se fëmijët që kishin humbur peshë nuk treguan më rrezik të hipertensionit.

Lexo edhe: Tensioni i lartë i nënës në shtatzani dëmton fëmijën