Zgjedhjet për ushqimet e bebit ndahen në disa faza, të cilat pasqyrohen në etiketat e tyre. Një prej tyre është qumështi i formulës për bebe, i cili në paketim shpjegon moshën e përshtatshme për tu konsumuar. Gjithashtu edhe ushqimet e ngurta janë të ndara sipas grupmoshave, por teksa fëmija juaj rritet dhe e kalon vitin e parë të jetës lindin pyetjet:A ka nevojë ai për një qumësht formule tranzitore (kalimtare) për fëmijë?
A ndryshon ky lloj qumështi nga qumështi normal dhe si ndryshon?
Etiketave të këtyre produkteve pretendojne se ekspertët rekomandojnë përdorimin e këti lloj qumështi përpara se të bëhet tranzicioni nga formula për bebe ose qumështi i gjirti te qumështi i lopës. Por një studim i ri ka vendosur të testojë duke vënë në provë pretendimet e këtyre produkteve.Studiues nga “New York University” vendosën të zbulojnë vërtetësinë e përshkimeve të ndryshme që përmbanin etiketat e këtyre produkteve, të cilat ofrohen si një qumësht tranzitor që ndihmon në përgatitjen e fëmijës tuaj për ushqyerjen me qumësht lope.
Çfare zbuloje studimi?
Ata vunë re se këto produkte përfshinin grupmoshat nga 9 muajsh deri në 3 vjeç dhe tregtoheshin me emra të ndryshëm si: “Formula për fëmijë”,”Formula tranzitore” dhe “Qumësht për femijë”. Të gjitha këto produkte pretendonin se kishin të paktën një lëndë ushqyese të veçantë e cila ndihmonte në zhvillimin e fëmijës. “Të gjitha etiketat e produkteve pretendonin se këto produkte përmirësonin zhvillimin e bebit dhe shëndetin e tij, madje shumë prej tyre shpjegonin se ishin të bazuara në rekomadimet e ekspertëve. Këto pretendime i bëjnë prindërit të besojnë se këto produkte janë të nevojshme për zhvillimin normal të fëmijëve të tyre”, – tha autorja kryesore e këtij studimi, Dr. Jennifer L Pomeranz. Por në fakt këto produkte nuk janë aspak të rekomanduara nga ekspertët, pasi nuk ka asnjë provë se ato përmbajnë më shumë vlera ushqyese se qumështi normal i lopës.
A duhet të përdorim formulat kalimtare (tranzitore) tek fëmijët?
“American Academy of Pediatrics” rekomandon se fëmijët duhet të pinë qumësht lope ose alternativa të tjera nëse janë alergjikë, që nga mosha 1 vjeçare, dhe mund të shoqërohen me ushqime të tjera të shëndetshme. Ky rekomandim mbështetet edhe nga “Organizata Botërore e Shëndetit” e cila shpjegon se formulat tranzitore për fëmijë janë të panevojshme.
Pse prindërit vendosin të ushqejnë fëmijët e tyre me formulat kalimtare?
Këto produkte mbështeten në “frikën” e prindërve se fëmija i tyre ka nevojë për më shumë lëndë ushqyese në mënyrë që të zhvillohet siç duhet. Këto produkte prodhohen nga të njëjtat kompani që prodhojnë formulën për bebe, dhe kjo gjë ndikon tek prindërit që ata të mendojnë se formulat kalimtare janë hapi i radhës për ushqyerjen e fëmijëve të tyre.
Cila është përbërja e formulës tranzitore (kalimtare)?
Në realitet këto produkte janë të përbëra thjesht nga qumështi pluhur, shurup i misrit dhe ëmbëlsues të tjerë artificial. Gjithashtu këto produkte në të vërtetë përmbajnë më pak proteina se qumështi i zakonshëm i lopës.
')}
Për të lënë një koment ju duhet të jeni regjistruar Identifikohu