Fëmijët me siguri ju sjellin një gëzim të pakrahasueshëm por po sikur të mund ta masnim këtë gëzim, çfarë vlerash do të arrinte ai?
Studiues nga “Shkolla Ekonomike dhe e Shkencave Politike” në Londër (LSE) dhe Canada’s Western University bënë pikërisht këtë. Ata zbuluan se dy fëmijë janë çelësi i lumturisë dhe kur vjen puna te fëmija i tretë rritja e gëzimit të prindërve nuk është shumë e madhe.
Kjo nuk do të thotë se fëmijën e tretë ata e duan më pak, thotë studimi i publikuar në gazetën Demography. Ardhja në jetë e fëmijës së tretë nuk shoqërohet me rritjen e madhe të lumturisë së prindërve por kjo nuk do të thotë se fëmijës do ti falet më pak dashuri se vëllezërve apo motrave më të mëdhaja, thotë Mikko Myrskyla, profesoresh në LSE. Kjo gjë shkaktohet nga eksperiencat e mëparshme që prindërit kanë hasur, dhe bën që prindërimi të mos jetë më aq emocionues sa ka qënë në rritjen e fëmijëve të parë, por edhe si pasojë e presionit që shtohet në të ardhurat e familjes.
Pra nëse jeni duke u bërë gati për fëmijën e tretë dhe nuk ndiheni shumë të emocionuar mos u ndieni në faj, kjo thjesht do të thotë se ja keni marrë dorën prindërimit.
Nga ana tjetër nëse jeni një nënë e re për herë të parë, nivelet tuaja të lumturisë do të rriten para dhe pas adhjes në jetë të fëmijës. Por studimi tregoi se më pas ato kthehen sërish në nivelet normale. Ndërsa pas ardhjes në jetë të fëmijës së dytë rritja e nivelit të lumturisë është më i qëndrueshëm. Studimi tregoi gjithashtu se prindërit me moshë më të madhe (30-40 vjeçe) dhe me nivel arsimor të lartë kishin rritje më të madhe e më të qëndrueshme të nivelit të lumturisë pas lindjes.
Lexoni dhe: Metoda Hygge për të rritur fëmijë të lumtur
')}
Për të lënë një koment ju duhet të jeni regjistruar Identifikohu