A jemi vërtet aq lart sa niveli ku kemi ngritur veten, kur jeta na vlen kaq pak?

0 0

Bota e sotme e ka ngritur debatin politik, ekonomik e social në një nivel shumë të lartë ku flasim për rroga bashkëkohore, për implementim të teknologjive që na lehtësojnë punën e përditshme, për mbrojtje të vlerave e trashëgimive kulturore, për reforma  administrative, zgjedhore, në sisitemin e drejtësisë, integrim në institucione gjeo-politike etj. Kjo linjë të krijon perceptimin se standardi ynë i jetesës është pa dyshim mbi normalen dhe pasi kemi të garantuara të drejtat e liritë themelore, mund të mendojmë për të tilla çështje në nivel makro.

…Megjithatë realiteti i një panorame më të gjerë është ndryshe dhe për fat të keq shumë i hidhur. Në një kohë kur flasim për çështje të mëdha politike dhe ekonomike me interes global, në mes të ditës, në vendin me demokracinë më të lartë, një 46-vjeçar humb jetën në duart e uniformave që duhet të garantojnë mbrojtjen e saj.

Një 46-vjeçar i paarmatosur në Minneapolis është kapur nga policia e cila ka ushtruar dhunë mbi të. Pamjet e xhiruara nga kalimtarë të rastit tregojnë personin me ngjyrë teksa thotë “Nuk marr dot frymë”, ndërkohë që polici i bardhë i vendos këmbën në fyt.

Pas ngjarjes së rëndë, ka reaguar kryetari i bashkisë si dhe janë shkarkuar katër efektivë. “Për pesë minuta radhazi shihet që një oficer i bardhë i ka vënë gjurin në qafë këtij burri afrikano-amerikan. Për pesë minuta. Kur dëgjon që dikush thërret për ndihmë, duhet ta ndihmosh. Oficeri dështoi në detyrën më themelore, në sensin njerëzor”, tha kryebashkiaku.

Tashmë në Minneapolis kanë shpërthyer protestat, ndërsa në opinionin publik është i pashmangshëm krijimi i idesë dhe ngritja e pikëpyetjeve të mëdha nëse jeta e një njeriu me ngjyrë ka më pak vlerë se një person i bardhë, nëse demokracia në të vërtetë është kjo që besojmë, nëse njerëzit të cilëve u kemi besuar detyrën të na mbrojnë demokracinë njohin dhe zbatojnë vërtet themelet e patundshme të demokracisë dhe mbi të gjitha a ia vlen e gjithë retorika e debati politik në rang global nëse pikërisht fytyra e shtetit (që duhet të na garantojë mbrojtjen e çdo të dretje) bëhet shkak që të na marrë frymën (në kuptimin e parë të fjalës)?

A jemi vërtet aq lart sa niveli ku kemi ngritur veten, kur jeta na vlen kaq pak?






Për të lënë një koment ju duhet të jeni regjistruar Identifikohu



Materiale te ngjashme

A keni raste te familjarëve...

Nëse ti ose të afërmit e tu jeni prekur nga kanceri i trashëguar, mund të pyesni veten se si mund ta përdorni këto njohuri në të ardhmen dhe të jeni...

Për ty mike që je...

E di… Ndiej padrejtësi tani që po shkruaj për ty. Ndihem fajtore sepse jam një nga gratë me fat. Çdo fjalë që shkruaj më thumbon... Sepse e di. E di...

9 mënyra si t’i tregoj...

Të zbulosh se je shtatzënë është një nga momentet më të rëndësishme të jetës. Është lajmi më i madh i jetës suaj, lajmi që mezi prisni t'i ndani me partnerin...

Shkon në spital me temperaturë...

Mëngjësi i sotëm ka ardhur me një lajm të trishtë për një familje në Elbasan dhe tronditës për gjithë qytetarët. Një vogëlushe 3-vjeçare ka ndërruar jetë në spitalin rajonal të...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X