A janë vërtet më të llastuar fëmijët e vetëm?

0 1

Fëmijët e vetëm janë të llastuar? Mjaft më me paragjykime dhe stereotipe

Shpesh fëmijët e vetëm mbahen si të llastuar, egoistë, të vetëm dhe dëshpërimisht të paaftë. Fëmijët e vetëm kanë një reputacion të keq. Edhe Stanley Hall, një ish psikolog – ndër personat më me ndikimin në botë dhe një ish-president i Shoqatës Psikologjike Amerikane, tha se “të jesh një fëmijë i vetëm është në vetvete një sëmundje”.

Stereotipe të rrënjosura që nga vitet 1800

Konsiderimi negativ i fëmijëve të vetëm i ka rrënjët e tij rreth vitit 1800, jo vetëm me studimet e Hall, por edhe me hulumtimin e pedagogut të Universitetit Clark E.W. Bohannon. Nga dyqind pjesëmarrësit në pyetësorin për fëmijët e vetëm, 196 u përgjigjën se një fëmijë pa asnjë vëlla e motër ishte “disi i llastuar”.

Realiteti është krejt ndryshe

Studimet e kryera në këtë drejtim në kohët më të fundit kanë ndryshuar këtë teori. Ishte viti 1986 kur Toni Falbo, psikolog nga Universiteti i Teksasit në Austin – dhe një fëmijë i vetëm – kreu një studim të bazuar në rishikimin e 200 hulumtimeve të mëparshme, duke gjetur prova vetëm për një tezë: fëmijët e vetëm do të krijonin një lidhje më të fortë me prindërit krahasuar me ata që kanë vëllezër dhe motra.

Për të konfirmuar tezën e lartpërmendur, në 2018, Andreas Klocke dhe Sven Stadtmüller nga Universiteti i Shkencave të Aplikuara në Frankfurt gjithashtu menduan për të. Nga 10,000 studentë të anketuar, 25% e fëmijëve të vetëm kishin një marrëdhënie të mirë me prindërit e tyre, 24% e të lindurve të parë të familjes, 20% fëmijët e dytë dhe 18% të tretët.

Fëmijët e vetëm më të zgjuar?

Fëmijët e vetëm do të ishin altruistë, bashkëpunues dhe më empatikë se ata që kanë vëllezër dhe motra. Kjo është ajo që doli nga një hulumtim kinez i realizuar nga Jiang Qiu i Universitetit Jugperëndimor të Chongqing, sipas të cilit fëmijët e vetëm do të ishin më të aftë të gjenin zgjidhje krijuese për problemet.

Sipas hulumtimeve të tjera, fëmijët e vetëm do të priren të jënë më inteligjentë, bazuar në një test të kryer në të cilin ata arritën rezultate më të larta për sa i përket IQ dhe rezultateve akademike. Sa i përket gjendjeve të ankthit, vetëvlerësimit dhe problemeve të sjelljes, është demonstruar gjerësisht se nuk ka dallime midis fëmijëve të vetëm, të parë dhe të dytë.

A janë fëmijët e vetëm të pakënaqur?

Me pak fjalë, thashethemet që kanë qarkulluar ndër vite për fëmijët e vetëm janë mohuar gjerësisht. Ka edhe nga ata që gjithmonë e kanë konsideruar të pakënaqur fëmijën e vetëm, sepse, sipas shumicës, do të ishte më mirë të kishim një vëlla ose motër. Edhe në këtë rast, realiteti vërtetohet të jetë shumë ndryshe: nëse është e vërtetë që shumica e fëmijëve të vetëm do të kishin dashur një vëlla – veçanërisht në fëmijëri – është gjithashtu e vërtetë që kjo mungesë nuk përbënte kurrë një problem sjelljeje ose siklet për fëmijën .

Lexo edhe: A është e vërtetë se të jesh fëmijë i vetëm të bën të ndihesh i vetmuar?



Për të lënë një koment ju duhet të jeni regjistruar Identifikohu



Materiale te ngjashme

Si t’i largojmë mërzitjen fëmijëve...

Të gjitha nënat mund të pohojnë se pavarësisht kohës së çmuar që po kalojnë me fëmijët, që në një rutinë normale u kishte munguar, të qëndruarit mbyllur ka vështirësitë e...

Si të trajtojmë temën e...

Fëmijët janë në dijeni të asaj që po ndodh me koronavirus dhe nëse ne si të rritur nuk i sqarojmë se çfarë po ndodh, ata vetë mund të dalin në...

Letra prekëse e 6-vjeçarit: Nëse...

Një djalosh 6-vjeçar nga Cesa e Italisë, nën rrezikun e koronavirusit, ka drejtuar një letër prekëse për të gjithë. Pio ka sistem të dobët imunitar, e për këtë arsye ka...

Vajza 4- vjeçare quan vetën...

Vetëbesimi dhe dashuria për veten shpesh fillojnë në moshë të re. Megjithatë, disa prindër mund të kenë përvojën shqetësuese kur fëmija i tyre u thotë se ndjehen inferiorë ndaj atyre...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X