A është i sigurt përdorimi i vajrave esencialë gjatë shtatzanisë?

0 0

Gjatë periudhës së shtatzanisë është më mirë të tregoheni të kujdesshme me përdorimin e vajrave esencialë. Disa prej tyre janë të sigurt për tu përdorur, përsa kohë që keni një shtatzani të qetë, pa problem shëndetsore. Gjithasesi këshillohet të përdoren me kujdes dhe në sasi të kontrolluar.

Vajrat esencialë janë substanca shumë të përqendruara të nxjerra nga bimët, të përdorura në aromaterapi. Vajrat përmbajnë kimikate që mund të thithen në trupin tuaj.

Ju mund t’i thithni ato në mënyra të ndryshme:

  • Përmes lëkurës suaj. Vajrat esencialë mund të hollohen me një bazë ose vaj për masazh, ose të hidhen në një banjë të ngrohtë.
  • Përmes sistemit tuaj të frymëmarrjes, kur merrni frymë. Vajrat esencialë mund të futen në avull për të lëshuar pikat në ajër.

Ende nuk ka hulumtime të mjaftueshme për të thënë se si vajrat esencialë prekin foshnjat në barkun e nënës. Çdo gjë që merrni në trupin tuaj mund të arrijë tek fëmija dhe është e mundur që gjurmët e vajrave të mund të kalojnë placentën. Kjo është arsyeja pse është më mirë të tregoheni të kujdesshme dhe të bisedoni me mjekun ose maminë tuaj përpara se të përdorni vajra esencialë.

Sidoqoftë, për shumë nëna në pritje, aromaterapinë dhe masazhi janë të dobishme veçanërisht për:

  • të përzierat;
  • dhimbjen e shpinës;
  • kyçin e fryrë të këmbëve;
  • ankthin.

Nëse dëshironi të rezervoni një masazh me aromaterapi, sigurohuni që terapisti juaj të jetë i trajnuar në trajtimin e grave shtatzëna.

Barku nuk duhet të masazhohet në tremujorin e pare: disa terapistë nuk do i trajtojnë fare gratë gjatë kësaj kohe. Nëse dëshironi të përdorni vajrat esencialë në shtëpi, mund të prisni deri në tremujorin e dytë.

Sigurohuni që të blini vajra me cilësi të lartë nga një furnizues i besueshëm.

Pastaj merrni masat paraprake të mëposhtme:

  • Gjithmonë holloni vajin esencial me një vaj tjetër. Vaji i rrushit ose vaji i bajames së ëmbël mund ta kryejnë shumë mirë këtë funksion. Përzieni një pikë me të paktën një lugë çaji (5ml) të një vaji bazë përpara se ta lyeni atë në lëkurën tuaj.
  • Mundohuni të mos përdorni një vaj të veçantë për një periudhë të gjatë kohore, si për shembull në një frekuencë çdo ditë për disa javë rresht.

Vajërat që mund të jenë të sigurt për përdorim në shtatzani:

Për sa kohë që shtatzënia juaj po shkon mirë, ndoshta është mirë që ju të përdorni:

  • vaj të luleve të limonit;
  • vaj mandarine;
  • vaj kamomili;
  • vaj livande;
  • vaj menteje.

Ka shumë konfuzion në lidhje me sigurinë e vajit esencial të livandës në shtatzani. Kjo për shkak se kjo bimë mund të përdoret për të rregulluar periodat. Rrini të qeta se kjo nuk do të thotë që përdorimi i këtij vaji në shtatzani do të rrisë rrezikun e abortit.

Vajra që nuk janë të sigurt për t’u përdorur në shtatzani:

Mos përdorni vajrat esencialë të mëposhtëm gjatë shtatzanisë:

  • vaj borziloku;
  • vaj dafine;
  • vaj sherebele;
  • vaj dëllinje;
  • vaj trumze;
  • vaj kanelle.

Në disa rrethana, është më mirë të mos përdorni vajra esencialë fare. Mos përdorni vajra nëse:

  • Keni një histori aborti.
  • Keni pasur ndonjë gjakderdhje vaginale në këtë shtatëzani.
  • Keni epilepsi.
  • Keni probleme me zemrën.
  • Keni diabet, probleme të koagulimit të gjakut ose keni sëmundje të tiroides, mëlçisë ose veshkave.
  • Po merrni antibiotikë ose antihistaminë, pasi vajrat mund të ndërhyjnë në mënyrën e funksionimit të ilaçeve.

Lexo edhe: Si të përballoni dhimbjen e nervit shiatik gjatë shtatzanisë?




Për të lënë një koment ju duhet të jeni regjistruar Identifikohu



Materiale te ngjashme

Mjeku i mirënjohur Besnik Brahimaj...

Çdo grua shtatzënë, në shtatzaninë e hershme të saj, duhet të kryejë ekzaminime për të mbajtur nën kontroll shëndetin e saj, por edhe të foshnjës. Mjeku i njohur obstetër, në...

Dr. Marjeta Boraj flet për...

Gjinekologia nga Spitali i Vlorës ka folur për eksperiencën e saj të gjatë dhe ka shpjeguar cilat janë çrregullimet gjenetike që ka hasur ndër vite dhe mënyrat me efektive për...

Pse Nifty plus? Çfarë bën...

Testi Nifty plus është test i sigurt prenatal, joinvaziv. Saktësia është më e lartë se 99% për zbulimin e tri trisomive më të shpeshta- Sindroma Down, Edwards dhe Patau. Edhe...

Cilat janë grupet e grave...

Bazuar në rëndësinë e marrjes së vendimeve të duhura në kohën e duhur por nga ana tjetër për të mundësuar një gjendje psikologjike dhe emocionale sa më të qetë, në...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X