Sidoqoftë, nëse profesioni juaj i përditshëm kërkon që ju të qëndroni në këmbë për një kohë të gjatë çdo ditë, ju mund të dëshironi të dini nëse kjo është e sigurt për ju sepse këmbët dhe shpina mund t’ju dhembin.

A është e sigurt nëse qëndroj shumë gjatë në këmbë  gjatë shtatëzanisë?

Nuk ka asnjë problem nëse qëndron për një kohë të gjatë në këmbë, përderisa mund të lëvizësh rreth e rrotull ose të ulesh për pak kohë në mes të këtij orari. Qëndrimi për orë të gjata mund të jetë i pashmangshëm për një grua që punon ose një shtëpiake që kryen punët e zakonshme në shtëpi. Ju mund të vazhdoni të punoni derisa t’jua ndalojëmjeku juaj, por duke bërë pushime të shkurtra, duke u ulur dhe duke u çlodhur.

Mjeku juaj mund t’ju këshillojë që të mos qëndroni për një kohë të gjatë në këmbë nëse keni ndonjë komplikim.

Studimet kërkimore tregojnë se qëndrimi për orë të gjata në këmbë ndikon në rritjen e foshnjës. Një studim ka zbuluar se gratë që qëndrojnë për më shumë se 25 orë në javë në këmbë mund të lindin bebe që peshojnë 148-198g më pak sesa foshnjat e lindura nga gratë që nuk qëndrojnë aq gjatë në këmbë. Gjithashtu, perimetri i tyre i kokës ka gjasa të jetë 1 cm më i vogël.

Si ndikon qëndrimi në këmbë për orë të gjata tek ju dhe foshnja juaj e palindur?

Qëndrimi në këmbë nuk është e thënë se mund t’ju ndikojë gjithmonë ju dhe fëmijën tuaj.  Por në disa raste, qëndrimi në këmbë i zgjatur mund të përkeqësojë smptomat e shtatzënisë, ose të ndikojë tek ju në mënyrat e mëposhtme:

• Përkeqëson edemën: Edema ose ënjtja e këmbëve është e zakonshme gjatë shtatzënisë. Qëndrimi për orë të gjata në këmbë mund ta përkeqësojë këtë gjendje .
• Shkakton dhimbje në zonën pubike: Disa gra mund të kenë Mosfunksionim simbiotik pubik (SPD) që shkakton dhimbje të fortë të legenit. Qëndrimi  në këmbë për orë të zgjatura mund të përkeqësojë dhimbjen pubike.
• Ndikon në presionin e gjakut: Mund të shkaktojë një rënie të tensionit të gjakut ose një rritje të tij . Nëse keni presion të ulët të gjakut, do të ndieni marrje mendsh.
• Shkakton dhimbje të shpinës: Të qëndrosh shumë gjatë në këmbë mund të shkaktojë dhimbje të shpinës gjatë shtatëzanisë. Dhimbja gjithashtu mund të vazhdojë deri tek këmbët.
• Ju çon në lindje të parakohshme: Shpenzimi i shumicës së kohës në këmbë mund të rrisë rrezikun e lindjes së parakohshme.

Mos harroni se nuk është e dëmshme të qëndroni në këmbë gjatë shtatëzanisë dhe shumica e këtyre efekteve janë për gratë që kanë punën profesionale të tillë që ju kërkon qëndrimin në këmbë për vazhdimisht për periudha të gjata kohore.

Si të kapërceni efektet e qëndrimit në këmbë kur jeni shtatzënë?

Qëndrimi në këmbë nuk duhet të jetë shqetësim për aq kohë sa ju ecni në mënyrë të qetë. Por, nëse puna ose mënyra juaj e jetesës kërkon që ju të qëndroni për periudha të zgjatura, mund t’ju duhet të merrni masat e mëposhtme.

• Vishni këpucë që kanë mbështetjen e harkut dhe thembrat e duhura për një pozicion të qetë në këmbë.
• Vishni çorape të rehatshme që të nxisin qarkullimin e gjakut dhe të parandalojnë fryrjen e këmbëve.
• Ndërsa futeni në tremujorin e dytë të dytë dhe të tretë, merrni parasysh një rrip lindjeje. Mbështjellja e saj mbi dhe nën bark do të sigurojë mbështetje dhe lehtësim të dhimbjeve të shpinës.
• Bëni shëtitje të shpeshta të shkurtra. Mund të ndihmojë në qarkullimin e gjakut. Shëtitja gjithashtu lehtëson kapsllëkun dhe ndihmon lindjen.
• Konsumoni ujë mjaftueshëm dhe lëngje të shëndetshme për ta mbajtur veten të hidratuar gjatë gjithë ditës. Shmangni pijet me kafeinë pasi ato mund të shkaktojnë dehidratim.
• Bisedoni me mjekun tuaj për problemet tuaja të shtatzënisë dhe shihni nëse mund të kaloni në një punë që nuk përfshin orë të gjata në këmbë. Nëse kjo nuk është e mundur, kërkoni më shumë pushime dhe përdorni një mbështetëse këmbësh ose një karrige të ulët për të vendosur këmbët.
• Menaxhoni nivelet e stresit tuaj duke bërë disa ushtrime të frymëmarrjes dhe meditim.
• Mos hezitoni të pushoni Pavarësisht nëse është vendi i punës apo shtëpia juaj, mos hezitoni të uleni dhe të pushoni në mes të punës tuaj. Tregojuni të tjerëve se jeni shtatzënë dhe keni nevojë për pushime. Nuk ka asgjë për të ardhur turp rreth kësaj çështje pasi ju jeni duke bërë një nga punët më të mira në këtë botë: të sillni dikë në jetë.