Gjatësia e valës së kaltër të prodhuar nga dioda që lëshojnë dritë (LED) mund të dëmtojnë qelizat në trurin tuaj, si dhe retinën tuaj, sipas studiuesve të Universitetit Shtetëror Oregon.
Aftësi të dëmtuara
Studimi zbuloi se insektet që u ekspozoheshin cikleve ditore prej 12 orësh në dritë blu dhe 12 orë në errësirë kishin jetëgjatësi më të shkurtër se insektet që qëndronin në errësirë totale ose në dritë me gjatësi vale të kaltër të filtruar.
Insektet e ekspozuara ndaj dritës blu kishin dëme në qelizat e tyre të retinës, neuronet e trurit, dhe aftësia e tyre për të lëvizur si zakonisht, ishte dëmtuar.
Trajtimi i mbingarkesës nga teknologjia?
Disa nga insektet të cilat ishin mutante dhe nuk kishin sy, edhe ato kishin dëmtim të trurit dhe kishin lëvizje të kufizuara kur ekspozoheshin ndaj dritës blu.
Studimi u botua në internet në revistën “Aging and Mechanisms of Disease”.
“Fakti që drita po përshpejtonte plakjen tek këto insekte ishte shumë befasuese për ne në fillim,” tha udhëheqësi i studimit Jaga Giebultowicz, një profesor i biologjisë integruese.
Rritja e ekspozimit ndaj dritës blu
Atëherë studiuesit u pyetën se si drita po i dëmtonte këto insekte.
“Ne pamë spektrin e dritës,” tha Giebultowicz. “Ishte shumë e qartë se megjithëse drita e reduktuar pakësoi pak jetëgjatësinë e tyre, drita jo e reduktuar vetëm shkurtoi jetëgjatësinë e këtyre insekteve në mënyrë dramatike.”
Studiuesit theksuan se njerëzit janë gjithnjë e më shumë të ekspozuar ndaj dritës blu përmes përdorimit të gjerë të ndriçimit LED dhe pajisjeve elektronike, por teknologjia nuk ka qenë aq e specializuar sa të njohë efektet e saj gjatë një jete.
Rezultatet e testimit të insekteve ose kafshëve ndonjëherë janë të ndryshme te njerëzit.
Por studiuesit vunë në dukje se disa lloje syzesh filtrojnë dritën blu dhe mbrojnë retinat tuaja.
Lexo edhe: 10 mënyra natyrale për të trajtuar lëshimin e lëkurës
Për të lënë një koment ju duhet të jeni regjistruar Identifikohu