Të gjithë kemi qenë në dietë… Ju duket e çuditshme? Por është e vërtetë. Dieta
është shumëllojshmëria e ushqimeve që ju kosumoni çdo ditë. Por fjala dietë mund
të kuptoj dhe një tentativë për të humbur peshë duke ulur numrin e kalorive që
merrni.
Ju mund të njihni të rritur apo fëmijë që mendojnë se duhet të mbajnë dietë, madje
dhe ju mund të mendoni se duhet të filloni një dietë gjithashtu. Por shumica e
fëmijëve nuk kanë nevojë për dietë dhe nuk duhet të mbajnë dietë.

Dieta për të humbur peshë

Të gjitha ushqimet dhe shumë pije përmbajnë kalori, një lloj energjie. Kur dikush
mban dietë për të humbur peshë, përpiqet të konsumojë më pak kalori nga sa trupi i
tij harxhon. Duke bërë këtë mund të ulësh sasinë e yndyrnës në trup dhe në këtë
mënyrë zvogëlon dhe peshën trupore. Gjithashtu nëse një person konsumon më
shumë kalori nga sa trupi i tij harxhon atëherë do të shtojë peshë.
Fëmijët zakonisht nuk kanë nevojë për një dietë të tillë. Ndryshe nga të rriturit fëmijët
janë ende duke u rritur e zhvilluar. Gjatë kësaj kohe fëmijët kanë nevojë për një
varietet ushqimesh të shëndetshme në mënyrë që trupi i tyre të rritet në mënyrën e
duhur. Disa fëmijë janë mbi peshë por edhe këta fëmijë mund ta përmirsojnë
shëndetin e tyre thjesht duke ngrënë ushqime të shëndetshme dhe duke qenë më
aktiv.
Të qenit mbi peshë mund të shkaktojë probleme shëndetësore, por fëmijët mund ta
dëmtojnë shëndetin e tyre më shumë nëse ndërmarrin masa drastike si përshembull
të mos konsumojnë një vakt apo të ushqehen vetëm me sallatë.

Kush duhet të mbajë dietë?

Edhe pse shumë veta mund të mendojnë se janë mbi apo nën peshë nuk ekziston
një formë perfekte trupore. Disa njerëz kanë kocka më të mëdha dhe do të duken
gjithnjë më të mëdhenj e më të rëndë se sa ata që kanë kocka më të vogla. Flisni me
doktorin tuaj nëse keni pyetje rreth peshës tuaj trupore. Doktori juaj mund të
ekzaminoj e të masë indeksin e peshës tuaj trupore, kjo është një mënyrë për të
vlerësuar se sa yndurnë trupore keni. Nëse ai është i shqetësuar për peshën tuaj ia
mund të bëj disa rekomandime.
Për disa fëmijë doktori mund të rekomandojë humbjen e peshës por kjo duhet të
bëhet me ndihmën e tij.Fëmijët që kanë nevojë të humbin peshë mund të vizitojnë një
dietolog i cili mund t’ju shpjegoj se si të reduktoni sasinë e kalorive që konsumoni
por duke marr të gjitha vlerat e tjera ushqimore për të cilat ka nevojë një fëmijë.

')}