Fëmijët që kanë TV në dhomën e tyre të gjumit janë më të rrezikuar që bëhen mbipeshë. Ja pse…

Një studim i kryer nga “Kolegji Universitar i Londrës” dhe i botuar në revistën shkencore “Journal of Obesity” ka treguar se vendosja e TV në dhomë gjumi i ekspozon fëmijët për një shtim në peshë mbi normën: 30 për qind më shumë për vajzat; 20 për qind për meshkujt.

Mbi 12,000 fëmijë nën vëzhgim

Studimi mori në konsideratë 12.556 fëmijë me qëllim identifikimin e faktorëve që i nënshtrohen mbipeshës në fëmijëri.

Nga studiuesit janë marrë parasysh parametrat e shumtë: pesha e nënës, lloji i dietës i ndjekur nga familja, pesha e fëmijës në tre vjet.

Ky fakt i fundit ka shërbyer për të kuptuar nëse mbipesha e disa pjesëmarrësve u shkaktua vërtet nga qëndrimi i tepërt para televizionit, dhe jo nga anë të tjera.

Rezultatet nuk lënë asnjë dyshim

Në përfundim të hulumtimit u konstatua se një fëmijë 7-vjeçar nëse ka një tv personal në dhomë ka më shumë gjasa që të fitojë më shumë peshë në krahasim me bashkëmoshatarët që nuk e kanë.

“Nuk mund të jetë ndryshe – thotë Dr Leo Venturelli. Ai këshillon që fëmija të mos kalojë shumë orë para tij sepse është në dëm të aktivitetit fizik, që nëse kryhet rregullisht është një mjet efektiv për të kontrolluar shtimin e peshës “.

Por ka edhe më shumë: shpesh televizori në dhomën e gjumit i shkakton fëmijës oreks. Ai do të hajë gjithmonë që shikon TV dhe këto ushqime nuk janë të shëndetshme, të bazuara në fruta apo perime, por ushqime dhe pije me sheqer.

“Së fundi, rreziku është që fëmija të përfundojë shpesh duke e gjetur veten të vetmuar duke shikuar programet, ndërkohë që do të ishte e këshillueshme që një i rritur të jetë gjithmonë pranë tij, për ta ndihmuar atë të mos kalojë në mënyrë pasive dhe pa kriter të gjitha ato që transmetohen “.

Lexo edhe: Sa kohe shpenzojne femijet para televizorit?

')}