Mbrëmjen e djeshme këngëtarja Dafina Zeiqri ka qenë e ftuar në emisionin për fëmijë “Në kurthin e Piter Pan” dhe sigurisht nuk ka mundur t’u shpëtojë pyetjeve të gazetarëve të vegjël. Një nga pyetjet me më shumë interes ishte ajo lidhur me mëmësinë. Këngëtarja u pyet nëse do të donte të ishte nëna e dy binjakëve dhe përgjigja e saj ishte: Një rrugë e dy punë, pse jo?
Dafina shprehu dëshirën e saj për të pasur shumë fëmijë, madje tha se pasi të ketë fëmijën e parë nuk do të ndalet derisa të krijojë një skuadër futbolli.
Më tej, ajo shfrytëzoi këtë mundësi për të dhënë mesazhe shumë të rëndësishme lidhur me mëmësinë e vendimin e grave për t’u bërë nëna. Dafina tha se çdo grua është e lirë të vendosë sesa fëmijë dëshiron të bëjë, të jetë nënë beqare, pa partner, e martuar apo qoftë edhe të mos bëjë fëmijë.
Këngëtarja nuk la pa përmendur edhe nënën e saj e cila e vetme ka rritur tri vajza.
Për të lënë një koment ju duhet të jeni regjistruar Identifikohu