Cilat janë medikamentet që mund të përdoren ndërsa jeni duke ushqyer fëmijën me gji? Çfarë duhet të dimë rreth përdorimit të tyre gjatë shtatzanise?

Shumë nëna kanë frikë se mos dëmtojnë fëmijën e tyre, dhe për këtë arsye stepen para se të përdorin një medikament të caktuar.

Dekalogu nga Ministria e Shëndetësisë:

1. Për të kuptuar cilat medikamente mund të përdorni gjatë gjidhënies duhet të merrni gjithmonë mendimin e mjekut. Evitoni marrjen e medikamenteve pa recetë (me iniciativën vetjake).
2. Disa medikamente të sëmundjeve kronike, nëse merren në mënyrën e duhur nuk shfaqin efekte anësore tek fëmija.
3. Nuk duhet të mendoni se të njëjtat medikamente që kanë qënë më pak të rrezikshme për shtatëzaninë do të jenë edhe për gjidhënien. Mjeku duhet të shprehë mendimin e vet.
4. Medikamentet duhet të merren menjëherë pasi fëmija ka pirë gji. Nëse është e nevojshme duhet të ndryshoni orarin e marrjes së medikamentit.
5. Edhe pse shumica e medikamenteve kalon në qumështin e gjirit, efekti i tyre helmues është shumë i reduktuar duke qënë se sasia që kalon në qumësht është e limituar. Masat duhet të merren në varësi të rastit dhe medikamentit.
6. Një medikament konsiderohet jo i rrezikshëm për gjidhënien në rast se ai ka shumë pak rrezik për të shfaqur efekte negative tek fëmija, pra gjithçka varet nga medikamenti. Jo të gjithë nuk janë të këshilluar për t’u përdorur nga nëna e re.
7. Pasi keni përdur një medikament vëzhgoni sjelljen e fëmijës, dhe nëse vini re dicka që nuk shkon shkoni tek pediatri.
8. Nëse do të merrni një medikament për një kohë të caktuar dhe fëmija nuk duhet të pijë gji, ju duhet të shtrydhni gjirin me pompë dhe më pas ta derdhni qumështin. Ndërkohë duhet të stimuloni prodhimin duke shtrydhur me dorë dhe pompë gjirin për të paktën 6-8 herë në ditë.
9. Mund të grumbulloni një sasi të caktuar qumështi të cilin mund ta përdorni në momentin që do të merrni një medikament të rrezikshëm.

Lexoni dhe:A mund te perdorim OKI ne shtatzani?