Dy prilli është Dita Ndërkombëtare e Autizmit dhe në kuadër të kësaj dite në të gjithë botën ndërmerren aktivitete e nisma ndërgjegjësuese për gjithë shoqërinë për të qenë më pranues, dashamirës e mirëkuptues ndaj këtij grupi të shoqërisë.
Askush nuk duhet të harrojë se autizmi nuk zgjedh dhe një person i këtij spektri që dikur na dukej i largët, një ditë mund të jetë shumë më pranë nesh se ç’kishim menduar. Mund të jetë fëmija, nipi, mbesa, kushëriri, kushërira jonë etj.
Në kushte normale, kjo ditë do të shoqërohej me shumë aktivitete në terrren, por duke qenë se e gjeti thuajse gjithë botën të karantinuar, ka pasur iniciatorë të ndryshëm, që kanë ndërmarrë nisma përshtatur me kushtet ku gjendemi.
Motoja kryesore e ditës është të vrapojmë për autizmin, por duke qenë se s’mund ta bëjmë, këngëtari Landi Hysi, aktivist për të drejtat e persoanve me aftësi të kufizuar ka hedhur idenë që secili të bëjë 8000 hapa brenda në shtëpi.
Po ty, si të duket kjo ide? A do t’i bësh 8000 hapa për të treguar mbështetjen tënde ndaj fëmijëve të spektrit të autizmit?
Lexo edhe: Mutacioni në spermën e babait mund të parashikojë rrezikun e autizmit tek fëmijët
Për të lënë një koment ju duhet të jeni regjistruar Identifikohu