Dhe është e trishtueshme kur nuk marrim rezultate të mira pasi harxhojmë kaq shumë para për këtë proces mjaft të bezdisshëm dhe ndonjëherë edhe të dhimbshëm. Qimet që bien në sy edhe pas rruajtjes, dyllit të mbetur dhe skuqjes, mund ta bëjnë këdo të çmendet. Dhe arsyet për këtë mund të ndryshojnë, nga rruajtja në një dush te nxehtë deri tek mos përdorimi i pudrës së maftueshme.

Bright Side ka krijuar një listë të shenjave për ju që janë tregues se po depiloheni gabim. Këto gabime po ju pengojnë të shijoni butësinë e lëkurës tuaj dhe po ju bëjnë që të luftoni vazhdimisht me acarimet e lëkurës.

1.Ju zgjidhni metodën e gabuar të heqjes.

Ka shumë mënyra për të hequr qimet  këto ditë. Por jo të gjitha janë të përshtatshme për secilin prej nesh. Prandaj, është e rëndësishme t’i kushtoni vëmendje reagimit të lëkurës tuaj ndaj secilës prej metodave të përdorura. Irritimi është sinjali kryesor që po përdorni metodën e gabuar për heqjen e qimeve.

Vlen gjithashtu të mbani në mend se mund të jeni alergjik. Dhe për këtë arsye, gjithmonë duhet të testoni një produkt të ri përpara se ta përdorni.

Si mund ta bëni këtë: Aplikoni një pjesë të vogël të kremit të ​​depilimit, dyllit etj në një zonë të vogël të lëkurës. Prisni 5 minuta. Dhe vetëm nëse nuk ka kruajtje, skuqje ose acarim ju sugjerojmë të provoni metodën tuaj të zgjedhur për  pjesën tjetër të trupit tuaj.

2.Rruani qimet kur jeni duke bërë dush të ngrohtë

Kjo mund të mos duket logjike për ju. Sepse së pari, është shumë e përshtatshme. Dhe, së dyti, shumë prej jush e dinë që është më mirë të rruash qimet kur lëkura të jetë e nxehtë. Dhe kjo është e vërteta.

Por nëse lëkura nxehet shumë duke ndenjur për një kohë të gjatë në banjën e nxehtë. Ajo bymehet dhe qimet bëhen më pak të dukshme dhe është më e vështirë t’i heqësh plotësisht. Kjo është arsyeja pse ju nuk mund të merrni rezultatet e dëshiruara dhe ju kanë mbetur qime edhe pas rruajtjes.

Zgjidhja: Mos e mbani të lagur lëkurën tuaj për  shumë gjatë. Mund të provoni edhe rruajtjen pas dushit, por vetëm nëse prisni pak kohë, që ënjtja të zvogëlohet.

3.Ju hiqni qimet gabimisht

Nëse po flasim për heqjen e qimeve me një brisk, atëherë kjo mund të bëhet si për sa i përket rritjes së qimeve ashtu edhe kundër tyre. Por drejtimi që përdorni briskun ose edhe dyllin është thelbësor për depilimin. Pra, është e rëndësishme të mbani mend se si të aplikoni produktin dhe hiqni qimet.

Depilim: Aplikoni dylli në mënyrë të rregullt në drejtimin e rritjes së flokëve. Dhe hiqeni atë kundër drejtimit të rritjes së qimeve.

Sugjerimi: Aplikoni pastën  (për rruajtjen e qimeve) kundër rritjes së qimeve, dhe hiqeni në drejtim të rritjes së tyre.

4.Ju nuk e pastroni lëkurën tuaj.

Para se të hiqni qimet e tepërta, është mirë që të pastroni  lëkurën. Kjo do të ndihmojë në largimin e qelizave të vdekura të lëkurës. Më pas, mund të afroheni më shumë me bazën e qimeve dhe do të jetë më e lehtë për ju t’i hiqni ato  në gjatësinë maksimale të disponueshme.

Mos e pastroni lëkurën menjëherë para se të hiqni qimet. Kjo procedurë bëhet më së miri një ditë më parë. Dhe sigurohuni që ta hidratoni  lëkurën tuaj me një krem ​​ose locion pas pastrimit.

5.Ju nuk e përgatisni lëkurën tuaj.

Nëse vendosni të bëni epilim ose depilim, duhet të hiqni yndyrën nga zonat ku do të bëni këtë procedurë. Kjo do t’ju ndihmojë të largoni bakteret që grumbullohen në lëkurë dhe ta mbroni atë nga çdo infeksion apo acarim i mundshëm. Plus, kjo do të përmirësojë cilësinë e depilimit. Për këtë, ju mund të përdorni locione speciale profesionale ose locione që përmbajnë alkool. Thjesht aplikoni lëng në pak pambuk dhe pastroni lëkurën ku dëshironi të heqni qafe qimet.

6.I hiqni qimet shumë herët.

Duhet të kuptoni që është më lehtë të hiqni qimet nëse nuk janë shumë të shkurtra. Nëse I hiqni ato kur janë të vogla çdo ditë, ka shumë gjasa që të acarohet lëkura.  Gjatësia ndikon gjithashtu në cilësinë e depilimit të flokëve.

Prandaj, është më mirë ta bëni atë kur gjatësia e flokëve është rreth 6 mm. Përndryshe, procedura nuk do të sjellë efektin e dëshiruar, pasi do të jetë e vështirë të hiqni qimet. Ju rrezikoni të dëmtoni lëkurën, dhe shumica e qimeve do të jenë akoma aty.

7.Ju kujdeseni për lëkurën në mënyrën jo të duhur pas heqjes së qimeve.

Fundi i procedurës së heqjes së qimeve nuk është më pak i rëndësishëm sesa përgatitja para kësaj procedure. Së pari, duhet të hidratonimirë lëkurën tuaj. Përdorimi i vajit duket si një ide e shkëlqyeshme, por nuk është ashtu. Disa lloje vaji mund të bllokojnë poret dhe rritin acarimin.

Prandaj, është më mirë të përdorni xhel aloe vera ose krem ​​të veçantë pas depilimit për të qetësuar lëkurën. Gjithashtu nuk duhet të bëni diell ose të përdorni deodorantë dhe kozmetikë të tjerë gjatë ditës kur depiloheni. E gjitha kjo mund të shkaktojë kruajtje, acarim ose inflamacion.

8.Qimet e rritura në lëkurë

Shumë prej nesh janë të njohur me qimet e rritura brenda, që është gjithashtu një shenjë e heqjes së pahijshme të qimeve. Kjo tregon se qimet dobësohen dhe se është më e vështirë për to që të dalin në sipërfaqe. Si rezultat ato rriten brenda në lëkurë.

Ka shumë shkaqe të rritjes së qimeve në këtë mënyrë dhe shumë prej tyre ne kemi listuar tashmë më lart. Mund të jetë përdorimi i vajit pas depilimit, rruajtja kundër drejtimit të rritjes dhe mungesa e një pastrimi të duhur para procedurës.

Lexo edhe: A duhet të depilohemi kur shkojmë për të lindur?