Gruaja juaj, nëna juaj, zonja që ju pastron shtëpinë, motra juaj, kushdo që përfaqëson figurën femërore meriton të marrë një dhuratë sot. Gruaja është porta kryesore e familjes, ajo që e bën atë të ketë organizimin e duhur, bën të mundur rritjen dhe edukimin e fëmijës. Është gruaja ajo, pavarësisht rolit që ka, e cila sakrifikohet gjithmonë për familjen e saj. Është ajo që nuk mendon asnjëherë para dëshirave dhe nevojave të saj para atyre të fëmijës apo bashkëshortit të saj.
Por duke qënë kështu përse të mos e bëjmë atë të ndihet unike? Unike të paktën në këtë ditë të shënuar në nder të saj, të meritave dhe vlerave të saj në jetë?
Dhuroni diçka, kështu ajo:
• Do të jetë protagonistja kryesore e kësaj dite. Ajo shpesh do të ndihet e lënë pas dore, e lodhur dhe shpesh e nënvlerësuar për punën që bën. I tregoni se jeni pranë saj dhe e vlerësoni.
• Do të kuptojë se ju i jeni mirënjohës. Nëse ajo kupton se përpjekjet që bën i vlerësoni në mënyrën e duhur, do të ndihet tepër e lumtur.
• Do të konfirmojë edhe njëherë dashurinë tuaj. Atë që ndoshta i shprehni çdo ditë me gjeste të mëdha ose të vogla dhe në këtë ditë edhe me anën e një dhurate të zgjedhur me shumë dashuri për të.