Këngëtarja Anjeza Shahini feston për herë të parë këtë 8 mars si nënë e një vajze.
Ka qenë vetë Anjeza që ka uruar festën e grave, duke lajmëruar kështu se është bërë mami i një vogëlusheje të quajtur Tori (Victoria Kelis Connolly).
“Dita ime e parë e gruas si nënë. Përshëndetje nga vajza ime TORI (Victoria Kelis Connolly). Këtë vit festoj ditën e gruas si një mami e një vajze të vogël sa një gogël që quhet TORI”, ka shkruar këngëtarja në Instagram.
Prej vitesh Anjeza është shkëputur nga bota e muzikës në Shqipëri, ndërsa që prej lidhjes së saj dhe më pas martesës me diplomatin Paul Edward Connolly jeton në Londër.
Kanë kaluar pak më shumë se tre vite që kur çifti u martua në shtator të 2015 në një kështjellë në Toscana të Italisë.
Këngëtarja ka treguar shpesh se ata janë një çift i lumtur dhe shpresojmë se ardhja në jetë e vajzës të sjellë akoma më shumë lumturi në jetën e tyre.
Për të lënë një koment ju duhet të jeni regjistruar Identifikohu