Gjatë momenteve të para të ushqyerjes me gji, një nënë e re ka nevojë të ndihet e inkurajuar nga bashkëshorti.
7 frazat që e bëjnë të lumtur
1 “Ja një pije dhe diçka për të ngrënë për ty”.
Të ushqesh një qenie njerëzore që po rritet është punë e vështirë. Nëna po prodhon qumësht nga trupi i saj, është e lodhur, pa gjumë dhe shpesh nuk gjen kohë as të hajë. Një përkujdes i tillë nga bashkëshorti do ta lumturonte.
2 “Kam dëgjuar që ushqyerja me gji mund të jetë e vështirë, kështu që të përgëzoj që po ia del”.
Kjo e bën nënën të ndiejë që partneri i kupton vështirësitë me të cilat përballet dhe nuk është vetëm në këtë eksperiencë të re.
3 “A ke nevojë për ndihmë? Të konsultohemi me një ekspert të fushës?”
Në spital do t’ju japin udhëzime si të ushqeni fëmijën me gji, por kur të përballeni në shtëpi me këtë detyrë gjithçka do të jetë ndryshe. Nëse bashkëshorti ju ofron një alternativë të tillë, do të ndiheni shumë më e qetë dhe e sigurt.
4 “A ke nevojë për masazh?”
Nënat kanë duruar për 9 muaj problemet dhe ndryshimet e shtatzanisë dhe përkujdesi pasi ushqen fëmijën me gji është shumë lehtësues për to.
5 “Përqëndrohu vetëm tek kujdesi i fëmijës, me gjithçka tjetër do të merrem unë”.
Nuk është sekret se gratë kanë shumicën e përgjegjësive shtëpiake. Ndihma e bashkëshortit do të ishte shumë e vlefshme në këtë moment.
6 “Do kujdesemi të dy për bebin gjatë natës”.
Në periudhën e parë kur lind fëmija, ju do të ndiheni shumë e vetmuar, sidomos kur të kujdeseni për bebin gjatë natës. Ndihma e partnerit do të ishte shumë e vyer në këto momente.
7 “Pse nuk del pasdite ose në mbrëmje? Për fëmijën kujdesem unë”.
Kujdesi për veten është shumë i rëndësishëm. Por kur bëheni me fëmijë, harroni edhe gjërat më bazike tek vetja si ushqimi. Argëtimin dhe shkëputjen nga i porsalinduri as që i mendoni. Nëse partneri ju sugjeron diçka të tillë, kjo do t’ju shërbente shumë si ju ashtu edhe fëmijës.
Lexo edhe: Çifti gjate shtatzanise, midis dashurise dhe ndryshimi
Sorry, there are no polls available at the moment.')}
Për të lënë një koment ju duhet të jeni regjistruar Identifikohu