Finger foods do të quhen ushqimet që fëmija do të mbajë në dorë, të cilat kanë përmasa të vogla dhe që mund të konsumohen përgjatë mesvakteve. Por ky nuk është vetëm ushqim, sipas ekspertëve bëhet fjalë edhe për zhvillimin e fëmijës. Këto ushqime mund të futen në dietën e fëmijës nga muaji i 6.
Cilat janë avantazhet e finger foods për fëmijën?
Do të ndikojnë pozitivisht në zhvillimin e aftësive kapëse të fëmijës. Ata zakonisht fillojnë të mësojnë të kapin objekte me gishtin tregues dhe të madh rreth muajit të 7-10, dhe në këtë moment finger foods do të ishin një alternativë që do të favorizonte zhvillimin duke qënë se janë të lehta për t’u kapur.
Janë shumë të rëndësishme për zhvillimin gjuhësor. Kafshimi dhe përtypja do të ndikojnë në zhvillimin e muskujve, për pasojë do të vihet re edhe efekti pozitiv në zhvillimin gjuhësor.
Shijimi i shumë ushqimeve do të bëjë që fëmija të ketë më pak probleme me refuzimin e ushqimit në të ardhmen. Alternativat e finger foods duhet të jenë të ndryshme (fruta, perime etj).
E ndihmojnë zhvillimin e koordinit sy-dorë të fëmijës. Fillimisht i jepni atij ushqime shumë të vogla, të cilat do t’i kapë dhe do të jetë në gjendje t’i hajë me një kafshim.
Do të ndikojnë në zhvillimin ndijor të fëmijës. Ai do të prekë atë, do ta shtypë, do t’i mbajë erë, do të luajë me të dhe kështu shqisat e tij do të zhvillohen më shumë.
Fëmija do të mësojë të ketë pavarësi në ushqyerje. Disa fëmijë nuk e pëlqejnë të ushqehen me lugë, prandaj finger foods do t’i japin atyre mundësi të ushqehen më mirë dhe madje do të mësojnë si të ushqehen vetë.
Lexo edhe: Dieta e dimrit, 10 ushqimet qe duhet te perdorni kete sezon
Për të lënë një koment ju duhet të jeni regjistruar Identifikohu