6 deri në 8 orë gjumë në natë është më e dobishme për zemrën, ndërsa më shumë ose më pak mund të rrisë rrezikun e sëmundjes të arteries koronare ose një goditje, sipas studiuesve.

Studimi, i paraqitur në Shoqatën Europiane të Kongresit të Kardiologjisë në Mynih, tregon se privimi i gjumit dhe orët e tepërta në shtrat duhet të shmangen për shëndetin optimal të zemrës.

Autori i studimit, Dr Epameinondas Fountas i Qendrës së Kirurgjisë Kardiologjike Onassis në Athinë, tha: “Gjetjet tona sugjerojnë se gjumi i tepërt ose i pamjaftueshëm mund të bëjë keq për zemrën.

“Nevojiten më shumë kërkime për të sqaruar saktësisht pse, por ne e dimë se gjumi ndikon në procese biologjike, si metabolizmi i glukozës, presioni i gjakut dhe inflamacionet, të gjitha këto kanë ndikim në sëmundjet kardiovaskulare”.

Të dhënat nga më shumë se një milion të rritur nga 11 studime janë analizuar si pjesë e hulumtimit.

Krahasuar me të rriturit që kishin 6 deri në 8 orë gjumë një natë, ata që flinin më pak kishin një rrezik 11% më të madh, ndërsa ata që flinin më gjatë kishin 33% rritje të rrezikut gjatë nëntë viteve të ardhshme.

Fountas shtoi: “Nëse flini më tepër apo më pak gjumë për vetëm një natë, nuk ka gjasa që të jetë e dëmshme për shëndetin, por nëse ndodh për një kohë të gjatë, atëherë rrit rrezikun”.

Lexo edhe: Sa ore gjume duhet te fleme per te qene te shendetshem?

')}