Sipas ”American Heart Association” ne nuk duhet të konsumojmë më shumë se 150 kalori (40 gram) nga sheqeri artificial në ditë. Konsumimi i tepërt i sheqerit mund të shkaktojë obezitet, kavitete dentare, sëmundje të zemrës, disa lloje kanceri si dhe keqfunksionim të trurit. Ndaj duhet të mundoheni të mos përdorni sheqer artificial dhe ta zëvendësoni atë me ëmbëlsues natyralë, të cilët nuk i kanë këto efekte anësore.
Disa nga këta ëmbëlsues natyralë janë:
- Sheqer organik nga stevia
Stevia është një bimë nga e cila mund të prodhohet sheqer natyral i cili është 200 herë më i ëmbël se sheqeri normal. Ky zëvendësues natyral i sheqerit është i mbushur me antioksidantë dhe me proteina antidiabetike. Ky ëmbëlsues nuk përmban kalori, karbohidrate dhe ju ndihmon të rrisni tolerancën ndaj glukozës.
- Shurupi i panjës
Shurupi i panjës është një tjetër zëvendësues shumë i mirë për sheqerin. Ky shurup përmban sasi të mëdha kalçiumi, kaliumi, magnezi dhe zingu. Veç kësaj është një burim shumë i mirë antioksidantësh të cilat neutralizojnë radikalet e lira të cilat janë përgjegjëse për formimin e qelizave kancerogjene.
- Sheqer organik kokosi
Sheqeri i kokosit bëhet nga lulet e pemës së kokosit. Ky sheqer është përdorur në Azinë juglindore për mijëra vite. Shija e tij e ëmbël është e ngjashme me atë të sheqerit kaf. Ai përbëhet nga glukoza, sukroza dhe fruktoza.
Mjalti është një nga alternativat më të shëndetshme për zëvendësimin e sheqerit. Ai përmban 80% sheqer natyral, 18% uji dhe 2% proteina, vitamina dhe minerale.
- Sheqeri nga hurmat arabe
Edhe hurmat arabe mund të përdoren si zëvendësues për sheqerin. Pasi thahen dhe proçesohen nga to mund të prodhohet një ëmbëlsues i ngjashëm me sheqerin kaf, i cili përmban sasi të larta hekuri, kalçiumi, fibra dietike, proteina, vitamina A, B dhe C.
Lexoni dhe: Sheqeri, i mire ne shije por jo per shendetin!
')}
Për të lënë një koment ju duhet të jeni regjistruar Identifikohu