Këto ushqime që ne i përdorim çdo ditë janë të varfra në vlera ushqyese dhe pak kohë pas konsumimit të tyre ju do të ndiheni sërish të uritur.

Kroasanti

Kroasantët janë “perfekt” për të shoqëruar kafen e mëngjesit por ato shënojnë vlera shumë të ulta në tabelën e indeksit të ngopjes. Nuk ka shumë përbërës të cilat janë të shëndetshem për ju pasi janë të pasura me yndyrnë dhe miell të bardhë, çka u japin më shumë kalori nga sa keni nevojë dhe për më tepër ju lënë sërish të uritur. Nëse doni të konsumoni një mëngjes i cili do t’ju mbajë të kënaqur deri në kohën e drekës atëherë një tost mund ta bëjë shumë mirë këtë punë.

Kosi me pak yndyrnë

Sa më shumë e përtypni një ushqim në gojë aq më e madhe është ndjesia e ngopjes që ai ju siguron, dhe në këtë rast kosi nuk siguron një ndjesi ngopje. Sidomos kosi me pak yndyrna ndaj në vend të tij mund të përdorni kos me yndyrnë të lartë dhe shtojini copa frutash të freskëta në mënyrë që ti shtoni sasinë e fibrave.

Orizi i bardhë

Orizi i bardhë mund të ngrejë e me pas ta ulë në mënyrë drastike nivelet e sheqerit në gjak, gjë që bën të ndiheni sërish të uritur. Zgjidhni orizin kaf në vend të tij pasi ai ka më pak mundësi të shkaktojë këtë ndryshim drastik në nivelin e sheqerit në gjak  dhe përmban me shumë fibra.

E bardha e vezës

Nëse nuk konsumoni të verdhën e vezës në mënyrë që të ulni numrin e kalorive atëherë nuk do të ndiheni të ngopur. Kjo sepse e bardha e vezës është e pasur me proteina dhe trupi e përthith shumë shpejtë atë për të ndërtuar qeliza të reja. Dhe studimet e fundit kanë treguar se e verdha e vezës edhe pse e pasur me yndyrnë nuk është e dëmshme për ju.

Buka e bardhë

Buka e bardhë nuk i ka të gjitha vlerat ushqimore që përmban i gjithë drithi. Për këtë ka një zgjidhje të thjeshtë, përdorni  bukë të bërë me miell nga i gjithë drithi.

Lexoni dhe: Ushqimet me te mira qe femija juaj duhet te haje kete stine dimri 

')}