Pasi të piqet, ju keni një kohë të shkurtër, përgjithësisht disa ditë – para se fruti të fillojë të prishet.
Ju mund të pyesni veten se si ta përcaktoni kur një avokado është e kalbur dhe nuk është më e mirë për t’u ngrënë.
Këtu janë 5 shenja që jua tregojnë:
- Avokado është tepër e butë me lëkurën e dhëmbëzuar
Kur kontrolloni nëse avokado është pjekur, përdorni pëllëmbën e dorës tuaj për të shtrydhur butësisht frutin.
Nëse avokado është shumë e fortë dhe nuk shtypet fare, është e papjekur. Nëse shtypet pak, ka gjasa të jetë e pjekur dhe e gatshme për t’u ngrënë.
- Lëkura e errët
Disa lloje avokadosh pësojnë ndryshime të dallueshme në ngjyrën e lëkurës ndërsa piqen. Sa i përket avokadove jeshile kur piqen ngjyra e tyre errësohet ose bëhet kafe. Nëse lëkura duket gati e zezë dhe fruti shtypet shume kollaj, atëherë avokado është e pjekur dhe me siguri e prishur.
Megjithatë disa lloje avokadosh nuk e ndryshojnë ngjyrën e tyre pavarësisht se sa të pjekura janë. Mënyra për t’i parë këto avokado është vetëm duke i prekur.
- Tuli i frutit është i errët ose me fije
Pasi të keni prerë një avokado, është më e lehtë të përcaktoni nëse është prishur ose jo. Sigurisht, kjo është e mundshme vetëm pasi ta keni blerë.
Një avokado që është e gatshme për t’u ngrënë ka tulin në ngjyrë të gjelbër të lehtë. Ndërsa një avokado që është e kalbur ka njolla të errëta ose kafe në pjesën e tulit. Një tjetër shenjë e mundshme e kalbjes është shirita të errëta në tul.
- Aroma
Avokadot e pjekura kanë një aromë të këndshme, pak të ëmbël dhe një aromë disi tërheqëse. Ndërsa ky frut prishet, mund të zhvillojë një shije dhe erë anormale.
Nëse ka një shije ose erë të thartë, mund të ketë baktere pasi është prishur dhe duhet të hidhet poshtë.
Përmes nuhatjes, shijes, prekjes dhe inspektimit vizual, mund të përcaktoni nëse një avokado është e prishur.
- Por edhe përmes mykut
Myku mbi avokadon është përgjithësisht i bardhë ose gri dhe duket i paqartë. Kujdes kur e konsumoni, pasi mund të thithni sporet e mykut dhe të shkaktoni probleme me frymëmarrjen nëse jeni alergjik ndaj tij.
Shmangni blerjen e avokados me myk në pjesën e jashtme, pasi myku mund të depërtojë në mish dhe të prishë frutin.
Nëse hapni një avokado dhe shihni myk, hidheni të gjithë frutin. Megjithëse mund të shihni myk vetëm në një zonë, myku lehtësisht mund të përhapet në tulin e butë.
Lexo edhe: Deri tani e kemi prerë gabim avokadon, kemi humbur vlerat ushqyese/ VIDEO
Për të lënë një koment ju duhet të jeni regjistruar Identifikohu