Mënyra e jetesës në ditët e sotme e ka bërë thuajse “të pamundur” për një grua të bejë ndonjë gjest “të madh” romantik për partnerin e saj. Kjo gjë do të kërkonte kohë dhe para, dhe jo të gjitha i kanë këto mundësi. Megjithatë janë disa gjeste që një grua mund t’i bëjë për t’i treguar partnerit të saj se ai është i rëndësishëm për të.
- I lini shënime dashurie
Shënimet e dashurisë janë më të thjeshtat dhe më efektivet. Një shënim i thjeshtë “Të dua” të cilin mund t’ia lini në xhep apo t’ia çoni së bashku me mëngjesin është mënyra më e bukur dhe romantike për ta bërë partnerin tuaj të ndihet i veçantë.
- Kushtojini vëmendje
Ditët e sotme jemi aq të varur nga mediat sociale sa bisedat e vërteta janë të rralla, ndaj nëse partneri juaj vendos t’ju tregojë diçka që është e rëndësishme për të, ju duhet t’i kushtoni atij vëmendjen tuaj të plotë. Ndërveprime të tilla do t’ju ndihmojnë të lidheni më shumë dhe ta kuptoni më mirë atë. Gjithashtu vëmendja dhe koha juaj janë një dhuratë e paçmueshme që vetëm ju mund t’ia jepni.
- Telefonojini
Telefonatat rastësore për t’i treguar partnerit se e doni dhe ju mungon, do t’i kujtojë atij se ai është gjithmonë në mendimet tuaja.
- Flirtoni me të
Pavarësisht se prej sa kohësh jeni bashkë, është e rëndësishme ta mbani ndezur shkëndijën në marrëdhënien tuaj ndaj mos hezitoni t’i jepni ndonjë puthje apo t’i shkelni syrin gjatë një darke, gjeste të tilla, të vogla janë shumë domethënëse.
- Tegoni interes për hobin e tij
Uluni të shikoni një ndeshje futbolli me të dhe bëni tifo për skuadrën e tij të zemrës (gjithmonë nëse s’preferoni skuadrën kundërshtare), ose ndiqni së bashku serialin e tij të preferuar. E gjitha kjo do të jetë një eksperiencë që do t’ju lidhë më shumë me njeri tjetrin dhe ai do ta vlerësojë më shumë mbështetjen tuaj.
Lexoni dhe: Vetem 2 nga keto 5 zakone do te bejne qe marredhenia juaj te zgjase pergjithmone
')}
Për të lënë një koment ju duhet të jeni regjistruar Identifikohu