4 arsye pse nuk duhet ta injoroni kurrë dhimbjen e shpinës

Sipas studimeve të fundit 25-40% e njerëzve me dhimbje shpine kërkojnë ndihmë. Kjo shifër është vërtet shqetësuese pasi janë 80% e njerëzve që përjetojnë dhimbje të shpinës në një moment të jetës së tyre.




0 0

Injorimi i simptomave të çdo lloj dhimbjeje nuk është kurrë ide e mirë dhe nëse dhimbja e shpinës mbetet e patrajtuar, kjo mund të çojë në:

  • Dëmtime të shumta të nervave. Sistemi juaj nervor mbrohet nga shpina juaj. Kur keni dhimbje shpine, nervat periferike dhe kurrizore nxjerrin valë dhimbjeje. Kur këto nerva janë mbledhur për gjashtë javë ose më gjatë, kjo mund të çojë në dëmtime të përhershme. Përgjithësisht, dëmtimi nervor në sistemin nervor periferik mund të zgjidhet nëpërmjet trajtimit anti-inflamator, siç janë medikamentet, por është e rëndësishme që të bëhet diagnoza e hershme në mënyrë që të sigurohet trajtimi i duhur dhe të evitohen dëmtimet e përhershme – të cilat mund të kërkojnë më pas kirurgji.
  • Dëmtimi i organeve. Dhimbja që përjeton në pjesën e mesme dhe që shoqërohet nga ethe ose të vjella mund të nënkuptojë se keni një infeksion në veshka. Nëse nuk trajtohet, infeksioni mund të shkaktojë dëme të përhershme të veshkave dhe madje edhe daljen e tyre jashtë funksionit. Problemet e tjera të rënda mjekësore ku dhimbja e shpinës mund të jetë gjithashtu një simptomë përfshijnë lloje të caktuara të kancerit, një infeksion kurrizor dhe osteoartritin.
  • Ulja e cilësisë së jetës. 1 në çdo 10 të rritur diagnostikohet me dhimbje kronike të shpinës çdo vit në mbarë botën. Jo vetëm që dhimbja kronike e shpinës ka qenë e lidhur me një cilësi të ulët të jetës, por është zbuluar se depresioni prek katër herë më shumë njerëzit që vuajnë nga dhimbja e shpinës dhe shkalla e depresionit rritet me dhimbjen e madhe. Kjo vjen për shkak të faktorëve të tillë si mungesa e gjumit për shkak të dhimbjes, e cila në fund të fundit çon në nervozizëm gjatë ditës; vështirësia për të bërë aktivitete argëtuese; dhe një paaftësi për të punuar, duke shkaktuar stres financiar, ndër të tjera.
  • Ndryshim i përhershëm në sjellje. Nëse vuani nga dhimbja e përditshme, e mërzitshme e shpinës mund ta shihni veten duke ndenjur shtrembër. Kjo ka efektin e sigurimit të lehtësimit të përkohshëm. Por kur kërrueseni shumë, shpina juaj (një pjesë shumë e brishtë e trupit) së bashku me muskujt do të jenë mësuar me këtë pozicion.

Përveç dhimbjes së shpinës, kjo mund të ndikojë edhe në organet tuaja duke i shtypur ato dhe duke çuar në disa probleme  të tjera të tilla si zhvillimi i një rreziku në rritje të artritit dhe komplikimeve të frymëmarrjes.

Është e rëndësishme për të shkuar tek një mjek nëse dhimbja juaj e shpinës vazhdon për më shumë se një javë dhe nuk pushon. Njohja e shkakut ndihmon në lehtësimin e simptomave,

Për fat të mirë, shumica e rasteve të dhimbjes së shpinës, nuk kërkojnë ndërhyrjen e kirurgjisë, por kërkojnë ndihmë mjekësore ose një plan shërimi.

Lexo edhe: “Mjekët e  neglizhuan dhimbjen e shpinës sime, deri sa u diagnostigova me kancer gjiri”






Për të lënë një koment ju duhet të jeni regjistruar Identifikohu



Materiale te ngjashme

Covid-19, zbulohet veprimi i virusit...

Më shumë se 10% e të shëruarve nga Covid-19 e gjejnë veten duke jetuar me probleme me përqendrimin, lodhjen dhe kujtesën. Të dhënat dhe efektet e Covidit të zgjatur në...

Ulet numri i vaksinimeve kundër...

Prej gati dy vitesh, burimet shëndetësore dhe energjia janë përqendruar në trajtimin e pandemisë Covid-19, e cila ka shkaktuar miliona vdekje në mbarë botën. Megjithatë, është e rëndësishme që vëmendja...

Omicron, i ftohtë apo grip,...

Omicron – varianti i ri, shumë i transmetueshëm i koronavirusit SARS-CoV-2 – ka pushtuar botën, duke rritur numrat e Covid-19 në masa të jashtëzakonshme çdo ditë. Megjithëse aktualisht ka një...

Produktet e qumështit ndihmojnë parandalimin...

Plakja e trurit përfshin shfaqjen e mangësive të kujtesës që shpesh prekin edhe fjalët e përdorura zakonisht. Në rastet e demencës senile kjo mund të jetë një kambanë e parë...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X