1) Prezervativi mashkullor

Prezervativi mashkullor është 98 për qind i efektshëm nëse përdoret saktësisht sipas udhëzimeve.  Prezervativi mashkullor vendoset mbi penis dhe ndalon hyrjen e spermës në vaginë.

 Avantazhet:

 – Prezervativët janë mënyra më e mirë për të mbrojtur veten dhe partnerin tuaj kundër infeksioneve seksualisht të transmetueshme.

– Kur përdoren si duhet, ato janë një mënyrë e besueshme për të parandaluar shtatzëninë.

– Duhet t’i përdorësh vetëm kur kryen marrëdhënie seksuale, nuk kanë nevojë për përgatitje paraprake.

– Në shumicën e rasteve, nuk kanë efekte anësore.

Disavantazhet

– Prezervativët mund të çahen ose të dalin nga penisi nëse nuk përdoret madhësia e duhur.

– Disa njerëz mund të jenë alergjikë ndaj plastikës që është i përbërë prezervativi.

2) Prezervativi femëror

Prezervativi femëror është bërë nga materiali i quajtur poliuretan i hollë që ndalon spermën të hyjë në vaginë. Është 95 për qind efektiv nëse përdoret sipas udhëzimeve.

Avantazhet

– Mund të mbrojë të dy partnerët nga sëmundjet seksualisht të transmetueshme.

– Kur përdoren si duhet, ato janë një mënyrë e besueshme për të parandaluar shtatzëninë.

– Duhet t’i përdorësh vetëm kur kryen marrëdhënie seksuale, nuk kanë nevojë për përgatitje paraprake.

– Në shumicën e rasteve, nuk ka efekte anësore.

Disavantazhet

– Nuk është aq i gjendshëm sa prezervativët për meshkuj dhe mund të futen në vaginë

– Mund të çahen ose të zhvendosen nëse nuk përdoren siç duhet.

3) Injeksioni kontraceptiv

Injektimi i kontraceptivëve është metodë 99% efektive dhe vepron në një hark kohor të gjatë, kështu që nuk ju duhet të merrni masa çdo ditë. Injektimi i kryer nga mjeku zgjat deri në 13 javë.

Avantazhet

– Mund të përdoret edhe kur  ushqeni me gji.

– Nuk ndërpret seksin.

– Nuk duhet të mbani mend që të merrni një pilulë çdo ditë.

– Mund të lehtësojë dhimbjet e periodave.

– Ul rrezikun e kancerit të mitrës.

Disavantazhet

– Pasi injektohet, nuk mund të hiqet nga trupi e për rrjedhojë efektet anësore si çrregullim i periodave ose shtimi në peshë mund të vazhdojnë përsa kohë që funksionon injeksioni dhe disa kohë më pas.

– Periodat dhe fertiliteti mund të kërkojnë kohë për t’u kthyer pas ndalimit të injeksionit.

4) Implanti kontraceptiv

Implanti kontraceptiv është një shufër e vogël fleksible që vendoset nën lëkurën e parakrahut nga mjeku dhe bën të mundur lirimin e progesteronit për të ndaluar ovulimin.

Avantazhet

– Implanti zgjat për tre vjet, por mund të hiqet më herët.

– Kur implanti largohet, fertiliteti juaj do t’i rikthehet normalitetit.

Disavantazhet

– Ju mund ta ndjeni atë me gishta në krahun tuaj.

– Mund të rrisë shanset që t’ju shfaqen akne.

5) Pajisja intrauterine (IUD)

Pajisja intrauterine është një pajisje e vogël plastike e njohur si një “spirale” që vihet në mitër. Ky është një kontracepsion i efektshëm deri në 99%.Vepron menjëherë dhe mund të qëndrojë nga pesë deri në 10 vjet, por mund të hiqet në çdo kohë nga një specialist.

Avantazhet

– Nuk përmban hormone.

– Kur hiqet, fertiliteti juaj do të kthehet në normalitet.

Disavantazhet

– Mund të shkaktojë shumë gjakderdhje gjatë periodave.

– Ka një shans të vogël për të marrë një infeksion në 20 ditët e para pas futjes.

6) Sistemi intrauterin (IUS)

Sistemi intrauterin është një pajisje e vogël plastike që futet në mitër nga mjeku.

Avantazhet

– Ka efekt për pesë vjet, por mund të hiqet më herët.

– Periodat mund të zgjasin më pak ditë.

– Hormonet janë të lokalizuara dhe vetëm sasi të vogla hyjnë në trupin tuaj.

Disavantazhet

– Mund të shkaktojë gjakderdhje të parregullt gjatë gjashtë muajve të parë.

– Ka një shans të vogël për të marrë një infeksion në 20 ditët e para pas futjes.

7) “Pllaka” kontraceptive

Është një “pllakë” që ngjitet në lëkurë që liron estrogjenin dhe progesteronin.

Avantazhet

– Mund të rregullojë ciklin menstrual.

– Mund të përmirësojë aknet.

Disavantazhet

– Nuk është e përshtatshme për gratë  mbipeshë ose për duhanpirëset mbi 35 vjeç.

– Ka një rrezik të ulët të efekteve anësore serioze siç janë mpiksjet e gjakut, kanceri i gjirit dhe i qafës së mitrës.

– Mund të shkaktojë pasoja të përkohshme të tilla si dhimbje koke, vjellje dhe luhatje në humor.

8) Unaza vaginale kontraceptive

Unaza vaginale kontraceptive është një unazë e vogël plastike që vendoset çdo muaj në vaginë e cila liron hormonet për të ndaluar ovulimin. Përdoret për 3-4 javë.

Avantazhet

– Mund të rregullojë ciklin menstrual.

Disavantazhet

– Nuk është e përshtatshme për gratë mbipeshë ose për duhanpirëset mbi 35 vjeç.

– Duhet ta vendosni dhe ta hiqni vetë.

– Ka një rrezik të ulët të efekteve anësore serioze siç janë mpiksjet e gjakut, kanceri i gjirit dhe i qafës së mitrës.

– Mund të shkaktojë pasoja të përkohshme të tilla si dhimbje koke, vjellje dhe luhatje humori.

9) Pilula e kombinuar

Pilula e kombinuar është një kontraceptiv që ka përdorim oral ditor që përmban estrogjen dhe progesteron dhe është mbi 99 përqind efektiv nëse përdoret sipas udhëzimeve.

Avantazhet

– Është e lehtë për t’i marrë dhe për t’i ndaluar.

– Mund të rregullojë ciklin menstrual.

Disavantazhe

– Nuk është e përshtatshme për gratë mbipeshë ose për duhanpirëset mbi 35 vjeç.

– Nëse harroni ta pini, mund të shkaktojë të vjella ose diarre dhe është më pak e efektshme.

10) Pilulë vetëm me progesteron

Kjo pilulë përmban vetëm progestogjen është një kontraceptiv oral i përditshëm që nëse përdoret sipas udhëzimeve ka efket 99%.

Avantazhet

– Mund të ndalojë periodat.

– Mund të përdoret nga gratë që pinë duhan dhe janë mbi 35 vjeç.

Disavantazhet

– Duhet të merret çdo ditë në të njëjtën kohë dhe nuk është efektiv nëse merret më vonë.

– Vjellja ose diarre e rëndë mund ta bëjë atë më pak efektive.

– Mund të shkaktojë pasoja të përkohshme të tilla si dhimbje koke, vjellje, dhe ndryshime në humor.

 11) Diafragma

Diafragma përbëhet nga silikoni dhe vendoset në vaginë për të mbuluar qafën e mitrës. Nëse përdoret sipas udhëzimeve ëhstë 92% efektive.

Avantazhet

– Mund të vendoset në çdo kohë para seksit dhe të hiqet gjashtë orë më pas.

– Përdoret vetëm gjatë seksit.

– Nuk ka rreziqe serioze për shëndetin.

Disavantazhet

– Mund të duhet kohë për të mësuar se si ta përdorësh saktë.

– Mund të keni nevojë të ndryshoni përmasat pas një lindjeje ose aborti.

12) Kapaku kontraceptiv

Kapaku kontraceptiv është i ngjashëm me diafragmën dhe vihet në vaginë për të mbuluar qafën e mitrës dhe është 92 deri në 96 përqind efektive kur përdoret saktë. Përpara përdorimit duhet të konsultoheni me mjekun.

Avantazhet

– Mund të vendoset në çdo kohë para seksit dhe të hiqet gjashtë orë më pas.

– Përdoret  vetëm gjatë seksit.

– Nuk ka rreziqe serioze për shëndetin.

Disavantazhet

– Mund të duhet kohë për të mësuar se si ta përdorësh saktë.

– Mund të keni nevojë të ndryshoni përmasat pas një lindjeje ose aborti.

13) Planifikimi i natyrshëm i familjes

Planifikimi i natyrshëm i familjes varet nga ju duke ditur kohën e pjellore dhe jopjellore të ciklit tuaj menstrual dhe duke e ditur se kur mund të bëni seks, për të shmangur rrezikun e shtatzanisë.

Avantazhet

– Kjo metodë është pa hormone dhe nuk kërkon asnjë pajisje apo pilulë.

– Mund t’ju japë një ndërgjegjësim më të madh mbi trupin tuaj.

– Mund të përdoret për të planifikuar një shtatzëni, si dhe për të parandaluar.

Disavantazhet

– Mund të duhet kohë për të mësuar se si ta llogarisni saktë.

– Duhet të mbash shënime ditore.

14) Sterilizimi femëror (mbyllja e kanaleve)

Sterilizimi femëror është një metodë e përhershme për gratë që janë të sigurta se kurrë nuk duan të bëjnë fëmijë. Funksionon duke mbyllur gypat e fallopit përmes një operacioni.

Avantazhet

– Periodat nuk do të ndikohen.

– Nuk do të mendoni më për metoda kontraceptive.

Disavantazhet

– Mund të përjetoni siklet pas operacionit.

– Ju duhet të jeni plotësisht të sigurta përpara se ta bëni.

15) Sterilizimi mashkullor

Sterilizimi i meshkujve është një metodë e përhershme për burrat që janë të sigurtë se kurrë nuk duan fëmijë. Kanalet që mbajnë spermën priten tek meshkujt.

Avantazhet

– Nuk do të duhet të mendoni më për metoda kontraceptive.

Disavantazhet

– Mund të përjetoni siklet pas operacionit.

– Duhet të jeni plotësisht të sigurtë përpara se të vendosni ta bëni.

Aplikacione për të kuptuar si funksionon cikli juaj

Këto aplikacione mund t’i shkarkoni në celular dhe ju ndihmojnë të kuptoni nëse duhet të përdorni mbrojtje apo jo.

Avantazhet

-Nëse përdoret siç duhet, mund të bëni seks pa mbrojtje në ditë të caktuara të ciklit.

– Mund të shmangni të gjitha format e kontracepsionit të cilat mund të kenë efekte anësore.

Disavantazhet

– Nuk ju mbron nga sëmundjet seksualisht të transmetueshme.

Lexo edhe: Pilula kontraceptive mbron femrat nga kanceri i gjirit
')}