15 minuta meditim, të vlefshme sa një ditë pushimi

0 0

I keni mbaruar pushimet për këtë vit apo nuk keni pasur fare mundësi të pushoni? Mos u shqetësoni: vetëm 15 minuta meditim në ditë kanë të njëjtin efekt si një ditë pushimi përsa i përket emocioneve pozitive që ngjall, siç është mirënjohja dhe mirëqenia psikofizike e arritur. Dhe kjo gjithashtu ndodh me ata që nuk janë veçanërisht të njohur me praktikën e meditimit. Kjo u zbulua nga një studim i kryer nga Kristofer May i Universitetit të Groningenit në Hollandë.

Ulet stresi, rritet  humori i mirë

Në të kaluarën, studime të tjera kishin treguar se meditimi ka të njëjtat efekte si një pushim i shkurtër në drejtim të zvogëlimit të stresit dhe rritjes së humorit të mirë, por me këtë studim demonstrimi ishte edhe më efektiv. 40 të rritur të rinj u përfshinë dhe iu dha një CD për të medituar për 15 minuta në ditë për disa javë jo radhazi. Pastaj autorët gjurmuan në mënyrë sistematike sa herë që pjesëmarrësit ishin larg nga detyrat e tyre të zakonshme të punës dhe ngarkesave të tjera të ditës.

Në këtë mënyrë studiuesit ishin në gjendje të matnin ndikimin që mund të kishin pushimet dhe 15 minutat e meditimit në kushte të veçanta siç janë emocionet pozitive ose negative, mirëqenia psikofizike, gjendja e qetësisë, e kuptuan edhe aftësinë për të dëgjuar veten dhe botën përreth, duke ndaluar për shembull për të dëgjuar cicërimën e një zogu, tik-takun e një ore, apo edhe tingullin e një makine që kalon në rrugë.

Si të shkoni me pushime?

Dijetarët kështu kanë qenë në gjendje të verifikojnë që pesëmbëdhjetë minuta meditim shoqërohen me efekte të ngjashme me ato të ngjallura nga një festë: ekziston një vetëdije më e madhe për veten dhe mjedisin përreth, ndihen emocione pozitive dhe perceptohet një gjendje e dobishme relaksi. Një aspekt tjetër pozitiv: nuk është e nevojshme të jeni ekspert meditimi për të përfituar këto rezultate, të cilat mund të arrihen edhe nga fillestarët. Kjo tregon qartë se të gjithë mund t’i qasen meditimit në çdo moshë dhe se edhe disa minuta në ditë mund të jenë të dobishme për ta.

Idealja do të ishte të meditoni në mëngjes sapo të zgjoheni për ta përballuar ditën me më shumë vetëdije dhe qetësi; por edhe në çdo kohë tjetër, edhe gjatë punës, ndihmon për të çliruar tensionin dhe për të rikthyer qetësinë mendore dhe gjallërinë fizike.

Lexo edhe: 10 mënyra për të rivitalizuar jetën tuaj






Për të lënë një koment ju duhet të jeni regjistruar Identifikohu



Materiale te ngjashme

A keni raste te familjarëve...

Nëse ti ose të afërmit e tu jeni prekur nga kanceri i trashëguar, mund të pyesni veten se si mund ta përdorni këto njohuri në të ardhmen dhe të jeni...

Për ty mike që je...

E di… Ndiej padrejtësi tani që po shkruaj për ty. Ndihem fajtore sepse jam një nga gratë me fat. Çdo fjalë që shkruaj më thumbon... Sepse e di. E di...

9 mënyra si t’i tregoj...

Të zbulosh se je shtatzënë është një nga momentet më të rëndësishme të jetës. Është lajmi më i madh i jetës suaj, lajmi që mezi prisni t'i ndani me partnerin...

Shkon në spital me temperaturë...

Mëngjësi i sotëm ka ardhur me një lajm të trishtë për një familje në Elbasan dhe tronditës për gjithë qytetarët. Një vogëlushe 3-vjeçare ka ndërruar jetë në spitalin rajonal të...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X