Ditën e djeshme në programin “Rudina” ka qenë i ftuar Anteo Çupi, 13-vjeçari nga Thumana me nënën e tij Mandelina. Vogëlushi ka lindur i shëndetshëm, por në moshën 3 muajshe për shkak të temperaturës së lartë ka pësuar dëmtim në nervin që kontrollon lëvizjen. Deri në moshën 2-vjeçare, Anteo ai është trajtuar me serume, ndërsa më vonë ka shkuar në Greqi për mjekim më të specializuar. Por, atje familja mësoi se Anteo mbeti i paralizuar. Kalvari i vuajtjeve ka vazhduar me disa operacione, ku ka rrezikuar edhe jetën, por për fat të mirë ka shpëtuar.
Dhe sikur të mos mjaftonin gjithë këto vështirësi, vogëlushit i është dashur të përjetojë edhe tërmetin shkatërrimtar të 26 nëntorit të vitit që lamë pas. E ëma e Anteos tregon e sekondat e frikshme të atij tërmeti, e patën shumë të vështirë të nxirrnin djalin nga shtëpia, por fatmirësisht ia kanë dalë pa lëndime.
Kjo ditëlindje, e ka gjetur ndryshe vogëlushin, jashtë ambienteve të shtëpisë, në një hotel në Shëngjin ku po streohet momentalisht. Megjithatë, edhe aty ia kanë dalë t’i bëjnë një surprizë me gjithë shokët e tij të vjetër e të rinj, ku kanë festuar.
Por, surpriza nuk ka mbaruar aty, pasi në studio ka ardhur personazhi i tij i preferuar Bes Kallaku dhe Anteo nuk ka mundur t’i mbajë dot lotët kur e ka takuar idhullin e tij për herë të parë.
Ai i dha fjalën publikisht se do ta bëjë pjesë të projektit të tij të ardhshëm.
Për të lënë një koment ju duhet të jeni regjistruar Identifikohu