Klodiana, vogëlushja 11-vjeçare ishte dje protagoniste e puntatës së radhës së emisionit “Dua të të bëj të lumtur”. Për shkak të vështirësive ekonomike, vajzës së vogël i ishte dashur të rritej para kohe e të kujdesej për motrën dhe vëllain më të vegjël, ndërkohë që e ëma punonte.

Edhe pse ende vetë një fëmijë, ajo kujdeset për vëllain 7-vjeçar si dhe për motrën vetëm 2 vjeçe. Në vend të lojrave dhe bashkëmoshatarëve, ajo i kalon pasditet e mbrëmjet me ta duke i ndërrruar, larë, e ushqyer.

Nëna e vogëlushëve tregoi se çdo ditë shkonte në punë me pengun që po linte fëmijët vetëm dhe kthehej me lutjen që t’i gjente mirë me shëndet.

Ajo e kishte ftuar të bijën në emisionin për ta falënderuar për gjithçka që ka bërë, që është rritur para kohe dhe për t’i kërkuar falje për fëmijërinë e munguar.

Pjesë e surprizës ka qenë edhe këngëtarja e famshme Dafina Zeiqiri, e cila përveçe u ka shpërndarë dhurata fëmijëve, ka treguar se fëmijëria e tyre është shumë e ngjashme me të sajën. Dhe këto vështirësi po i përgatisin ata për të qenë shumë të fortë kur të rriten e për të realizuar ëndrrat e tyre të pamposhtur.