Kini parasysh se ushqimet që konsumon fëmija juaj kanë një efekt direkt në zhvillimin e inteligjencës dhe aftësive të tij njohëse (konjuktive).
Cilat janë ushqimet më të mira për të fuqizuar trurin e fëmijës?
- · Perimet me gjethe jeshile. Spinaqi dhe perimet e tjera të këtij lloji janë të pasur me folate dhe vitamina, që kanë një ndikim direkt në zhvillimin e trurit. E përdorni atë sa më shpesh në vaktet e fëmijës.
- · Kosi. Është një burim shumë i mirë i vitaminës B dhe proteinave të cilat favorizojnë zhvillimin e indeve të trurit. Ai përmban gjithashtu edhe prebiotikët që favorizojnë shëndetin e aparatit tretës.
- · Veza. Është e pasur me proteina si edhe sasi të mëdha koline, një element i rëndësishëm për funksionimin e mirë si edhe zhvillimin e trurit.
- · Peshku. Konsiderohet si ushqimi më i mirë për zhvillimin e trurit të fëmijës. Peshku si salmoni, sardelet janë të pasura me vitaminën D dhe omega-3, të dy këta elementë që ndikojnë në mbrojtjen e trurit dhe përforcimin e memories.
- · Fasulet e kuqe. Janë të mrekullueshme për personat që vuajnë nga astma dhe shumë të pasura me proteina. Ato fuqizojnë memorien dhe parandalojnë problemet mendore.
- · Boronicat. Janë të pasura me antioksidantë që lirojnë organizmin nga radikalet e lira, shumë të dëmshme për shëndetin e trurit. Nëse fëmija do të konsumojë boronica do të ketë një kujtesë më të mirë, si edhe sistem më të fortë imunitar.
- · Arrat dhe farat. Arrat, bajamet, farat chia janë të mrekullueshme për fëmijën pasi përmbajnë acide yndyrore duke përforcuar sistemin imunitar si edhe atë nervor.
- · Tërshëra. Është shumë e pasur me fibra por njihet edhe për efektet pozitive që ka në lidhje me fuqizimin e kujtesës.
- · Mollët. Përmbajnë shumë antioksidantë dhe ndihmojnë në zhvillimin konjuktiv të fëmijës. Zgjidhni produkte organike në mënyrë që të mos përmbajnë pesticide.
- · Tumerniku. Është një erzë që ka veti shumë të mëdha pozitive në lidhje me përforcimin e kujtesës së fëmijës. Ndihmon në parandalimin e Alzaimerit në moshë të madhe.
')}
Për të lënë një koment ju duhet të jeni regjistruar Identifikohu