10 ushqimet e femijes tuaj qe permbajne shume kalori

Nëse ju mendoni se fëmija nuk është duke u ushqyer në mënyrën e duhur edhe pse sasia e ushqimit që konsumon është në nivelet e duhura atëherë duhet të lexoni listën e mëposhtme.

Këto janë disa nga ushqimet që do ta furnizojnë trupin e fëmijës me energji:

Avokado. Është shumë e pasur me kalori. Mund të përdoret duke u përzier me qumësht, drithëra, duke u shtuar në supë si edhe pure frutash.
Djathi. Duhet të jetë i pranishëm në dietën e fëmijës, duke e bërë supën edhe më të shijshme. Mund ta përdorni gjithashtu edhe në makarona apo pure patatesh.
Qumështi. Mund të përgatisni smoothie të ndryshme me qumësht me yndyrë të plotë (nëse fëmija ka moshën e duhur), mund ta përzieni edhe me tërshërë apo fruta duke i grirë së bashku.
Vaj. Mund to përdorni në supën e fëmijës apo drithërat me lëng mishi edhe një lugë të vogël vaj ulliri.
E verdha e vezës është e pasur me elementë ushqyes dhe kalori. Ndikon pozitivisht në zhvillimin e trurit. Mund të përdoret në vend të mishit brenda supës së fëmijës.
Mund të shtoni miellin e grurit brenda supës, frutave, si edhe në qumësht.
Patatja e ëmbël. Është e pasur me kalori dhe beta-karoten. Mund të përdoret në supën e perimeve, në thjerrëza, të gatuhet me pulë apo edhe qumësht.
Gjalpi i kikirikut. Ai mund të konsumohet ndërmjet vakteve me biskota, copa karrotash etj.
Fruta të thata. Kujdes nëse fëmija është i vogël pasi mund të shkaktojnë alergji. Janë të pasura me kalori, acide yndyrore, vitaminë E dhe proteina.
Bananet e furnizojnë trupin e fëmijës me energji. Mund të përzihet me fruta të tjera, me qumësht, me kos dhe biskota…