A e dini se edhe me lëvizjet më të vogla fëmija është duke ushtruar muskujt? Ka shumë mënyra për të inkurajuar zhvillimin e tyre fizik dhe lëvizshmërinë.
- Praktikoni qëndrimin shtrirë me bark
Fëmija kalon më shumë kohë shtrirë me shpinë. Nëse e ktheni në anën tjetër, fëmija do të mësojë të ketë kontroll mbi kokën, muskujt e qafës, shpinën dhe shpatullat.
- Rrotullimi
Që kur është rreth 3 muajsh fëmija mëson të rrokulliset. Sigurojini hapësirën e majftueshme për ta bërë këtë veprim lirshëm.
- Qëndrimi ulur
Në fillim fëmija do të ketë nevojë për ndihmën tuaj, derisa të mund të kontrollojë plotësisht muskujt e qafës dhe kokës.
- Zvarritja
Kur foshnjat janë midis 6 dhe 10 muajsh, ata do të fillojnë të zvarriten e të ecin këmba-duar. Lëreni të zbresë në dysheme dhe të eksplorojë gjërat për të cilat ka kuriozitet.
- Ecja duke u mbajtur
Ky është fillimi i aftësisë së fëmijës për të ecur, duke u mbajtur në anën e tavolinës ose divanit.
- Ecja
Pasi të ketë kaluar fazën e mëparshme, fëmija do të jetë në gjendje të ecë pa u mbajtur askund. Lejojeni të ecë zbathur.
Ide për ta inkurajuar fëmijën
# 1 Kapja e objekteve
Vendosni një lodër në dorën e foshnjës për ta mbajtur atë. Ose teksa është shtirë me shpinë, përkundni një objekt në mënyrë që të luajë me të.
# 2 Mbajeni ngritur
Ndihmoni fëmijën të mësojë të ulet pa asnjë mbështetje duke e vënë atë në dysheme me pjesën e prapme afër divanit. Përdorni jastëkët për të mbështetur shpinën dhe të dyja anët.
# 3 Aktiviteti fizik
Foshnjat kanë shumë përfitim nëse ju i bëni lëvizje të thjeshta.
# 4 Joga për bebe
Joga promovon fleksibilitetin e foshnjës suaj, zhvillon muskujt dhe nyjet si dhe forcon shpinën.
# 5 Këndoni dhe kërceni
Këngët dhe lojërat i ndihmojnë foshnjat të njihen me pjesë të ndryshme të trupit të tyre dhe të zhvillojnë aftësinë për t’i lëvizur ato sipas dëshirës.
# 6 Lojëra me top
Nxiteni fëmijën të luajë me top për të ushtruar këmbët dhe krahët.
# 7 Lojëra me kuti
Shfrytëzoni kartona të mëdhenj, pritini duke krijuar dritare e dyer për fëmijët që të zvarriten brenda dhe jashtë tyre.
# 8 Jepuni mjete të ndryshme
Merrni enë të përshtatshme për fëmijë, lugë pirunj etj dhe jepjani fëmijës për të luajtur.
# 9 Drejtimi i makinës
Improvizoni me lodra të ndryshme, ku fëmija të bëjë sikur është në makinë e të shtyjë këmbët. Kjo do ta ndihmojë atë të zhvillojë ekuilibrin, vetëdijen hapësinore dhe të forcojë këmbët.
# 10 Lojë në ujë
Noti është aktivitet i mrekullueshëm për ndërtimin e muskujve, madje edhe fëmijët e sapolindur e zotërojnë këtë aftësi.
Lexo edhe: Cfare duhet te kuptojme nga levizjet e ndryshme te femijes
')}
Për të lënë një koment ju duhet të jeni regjistruar Identifikohu