Shpesh konstipacioni (kapsllëku) i fëmijës vjen edhe si pasojë e një diete të pasur me ushqime që nuk janë të pasura me fibra. Krahas një sasie të mirë uji fëmija duhet të konsumojë edhe ushqimet e caktuara. Ja cilat janë ato.

• Karotat. Përmbajnë 3.1 gr fibra për 100 gr dhe mund të shërbehen në formë pureje, pra të ziera.
• Finoku. Përmban 3.1 gr fibra per 100 gr finok. Nëse fëmija është i rritur mund të konsumohet edhe i gjallë.
• Brokoli dhe lulelakra. Përmbajnë 2.6-5 gr fibra 100 gr. Mund të bëhen pure.
• Spinaqi. Përmban 3.7 gr fibra per 100 gr dhe mund të konsumohet në formë kremi tek bebet.
• Fiku. Përmban 4.2 gr fibra për 100 gr nëse është i freskët. Kanë një efekt qetësues tek zorrët e fëmijës.
• Kumbullat. Përmbajnë më shumë fibra nëse janë të thata (7.1 gr për 100 gr). Mund të zihen dhe bëhen pure bashkë me lëngun e tyre.
• Dardhet. Përmbajnë 3.4 gr fibra për 100 gr dhe bashkë me kumbullat përbëjnë një laksativ shumë të mirë për shkak edhe të fruktozës që përmbajnë. Duhet të jenë të pjekura mirë.
• Mollët. Përmbajnë 2.2 gr fibra për 100 gr dhe në këtë rast këshillohet që pureja të bëhet me mollë të pjekur.
• Bananet. Përmbajnë 2.6 gr fibra për 100 gr dhe shërbejnë kundër konstipacionit vetëm nëse janë të pjekura mirë.

Gjithashtu një ndihmë do të ishte edhe kosi.