Të jesh nënë është një nga detyrat më të vështira dhe më të dobishme me të cilën unë kam qenë e bekuar në jetën time. Të qënit nënë ka shumë ulje-ngritje, por është diçka që unë nuk do e shkëmbeja me asgjë në botë. Roli i nënës në një familje është padiskutim shumë i rëndësishëm. Mes netëve pa gjumë, qetësimit të shpërthimeve të fëmijës, të vjellave, temperaturës, zgjimit herët etj, kam mësuar një gjë shumë të rëndësishme për jetën si nënë. Është një aventurë e vazhdueshme.
Po rendis vetëm disa nga arsyet përse e dua faktin që jam nënë:
- Shfajësim i menjëhershëm! Pasi u bëra një nënë, kisha gjithmonë justifikimin gati kur doja të largohesha nga një ambient ose kur doja të refuzoja ftesa. 😛
- Ka pafund produkte. Kur më mbaron shampoja, mund të përdor atë të fëmijës tim.
- “Abuzimi me ushqimin”. Edhe pse mund të jem me dietë mund të abuzoj duke ngrënë ndonjë ëmbëlsirë ose patate të skuqura.
- Ndërpret bisedën me justifikimin se fëmija ka nevojë për ty, ose tu dëgjua sikur fëmija po qante.
- Vëmendja. Ndoshta kjo ishte një thikë me dy presa, por kur isha shtatzënë, mjaftonte të prekja barkun dhe vëmendja e të gjithëve drejtohej te unë.
- Të tjerët nuk më bëjnë më presion për të qenë gati shpejt, për të respektuar oraret etj.
- Nuk ndihem në faj që s’kam shkuar në palestër.
- Trajtimet spa janë të justifikuara.
- Kur kam nevojë të pastroj diçka kam gjithmonë pecetat e fëmijës gati.
Lexo edhe: 50 arsyet pse duhet ta dashuroni periudhen e shtatzanise
Për të lënë një koment ju duhet të jeni regjistruar Identifikohu